المحرر موضوع: وليد الكرتي بيراميدز.. يقدم كل الحلول  (زيارة 13 مرات)

جناح طاير

  • Sr. Member
  • ****
  • مشاركة: 277
    • مشاهدة الملف الشخصي

وليد الكرتي بيراميدز.. يقدم كل الحلول

« في: كانون الثاني 03, 2022, 06:14:08 مسائاً »
بيراميدز مع ايهاب جلال اكتر فريق تقدر تعرف الـ pattern " أو منظومة اللعب الخاص بهم وتقدر تتفق وتختلف في حاجات لكن في الاخير الفريق مبني علي هيكل فني ثابت هذا الموسم عكس السنين السابقة، الفريق منظم جدا وبيتحرك ككتلة واحده هجوميا ودفاعيا قادر يضغط ويغلق ممرات التمرير وفي نفس الوقت يتمركز في وسط ملعبه، قار يستحوذ ويخلق مساحات وفي نفس الوقت قادر ينظم هجمات مرتدة سريعة ...

ايهاب جلال بيعتمد علي ال 4-3-3 كرسم فني اساسي للفريق، الهيكل ده بيحتاج لاعب" box to box" بالمعني الحرفي أو الكلاسيكي، اللاعب ال يقدر يتحرك بطول الملعب دفاعيا وهجوميا، قادر يستغل مناطق ال half space" أو انصاف المساحات" قادر يتحرك في ال blind side " الجانب الأعمى"، اللاعب تحركه بدون كوره من الخلف للأمام قويه جدا، دايما بيتحرك بدون رقابه لأنه قادم من مناطق متأخرة في الملعب...

وليد الكرتي قادر يقدم كل الحلول دي بنسب مش قليله ابدا، هو اختيار ممتاز لأسلوب ايهاب جلال في وجود دونجا كارتكاز ثابت وعبدالله المسؤول الاول عن عملية تجميع اللعب والاستحواذ، الكرتي بيقوم بالادوار المختلفة في سحب الكره للأمام والتحرك في انصاف المساحات وخلف راس الحربه، وليد بيقوم باستلام الكره في مناطق متقدمة من الملعب دائما بيكون خيار لاستقبال التمرير العمودي في عمق الملعب....

لو جينا نشوف اماكن استلام وليد الكرتي للكره في مباراة المقاصة هنلاقي أثبات علي الكلام، استلام الكره في ال " inner corridor" الممر الجانبي أو انصاف المساحات half space " في نفس الوقت ال استلم الكره 7 مرات داخل منطقة ال18 الخاصة بمصر المقاصة ...

الدولي المغربي شارك في 6 مبارايات سجل 3 اهداف ال 3 اهداف كانت من داخل منطقة الـ 18 وقدر يعمل 8 key passes " وصلت نسبة تسديداته الي 65% ونسبة مرواغاته الي 64% ونسبة تمريراته الي 82% ..


اقتباس
Mohamed Nasr - تحليل إسمعلاوي