المحرر موضوع: مشكلة مشجعو الكرة المصرية مع اختيارات كيروش في بطولة كأس الأمم الإفريقية  (زيارة 11 مرات)

جناح طاير

  • Sr. Member
  • ****
  • مشاركة: 277
    • مشاهدة الملف الشخصي

مع تذبذب الآراء حول اختيارات كيروش للمنتخب يبدأ المنتخب الوطني مهمتة غدا امام المنتخب النيجيري في بداية قويه لمنتخبنا في بطولة كأس الأمم الإفريقية ...


مشاكلنا مع كيروش واضحه وهي بعيده عن فكرة الاختيارات، ولكن هناك بعض المشاكل الفنيه داخل منظومة المنتخب، يمكن اكبر مشكله للمنتخب بتكون أثناء عملية ال build up " أو بناء اللعب بتاخد وقت كبير في الخروج بالكره علي الارض او بنقابل صعوبه في نقل الهجمه من التلت الثاني للتلت الثالث من الملعب، تواجد صلاح هيقدر يزود من جودة الفريق في نقطة نقل اللعب خصوصا أن صلاح مع المنتخب بيشارك في عملية تدوير الكره بشكل كبير وبيكون دوره في مرحلة صناعة اللعب اكتر...


وجود النني أيضا كلاعب builder " في مركز 6 اثناء عملية بناء اللعب بتسهل من مهمة المنتخب في الخروج بالكره نظرا أن النني قدرته في التحكم في الكوره تحت ضغط افضل، المنتخب محتاج يكون أسرع في مرحلة التحضير ونقل الهجمه، مشكلتنا واضحه في أثناء الاستحواذ علي الكره ...


مازلت شايف أن رفع جودة أفراد الجزء الامامي في المنتخب ممكن تاخدنا لمرحله تانيه عن كأس العرب صلاح مصطفي محمد ومرموش بالتأكيد قراراتهم افضل بكتير من باقي الأفراد خصوصا أمام المرمي، خصوصا أن مصر علي مستوي صناعة الفرص قادر الي حدا ما تظهر شكل مألوف، مصر في بطولة كأس العرب كانت اكتر الفرق التسديدات ب 109 محاولة، وايضا أكثر المنتخبات للتسديدات الصحيحه ب 43 تسديده، أكثر منتخب حاول علي المرمي ب 86 محاولة وكنا اكبر معدل xg في البطولة ب 18 هدف لكننا سجلنا فعليا 10 اهداف فقط، بمعني أننا سجلنا أقل من المتوقع ب 8 اهداف، وده يوضحلك سوء قرارات اللاعبين في التلت الاخير من الملعب ...


اه احنا مش اقوي منتخب من حيث الشكل الجماعي أو القوه الفرديه، لكن أنا واثق أننا هنوصل لنقطة بعيده في البطولة، اتمني التوفيق يكون من نصيبنا، انا عندي شايف المنتخب في نقط محتاجه تعديل لكن الحقيقة انا ممكن أتقبل اي حاجه نتناقش فيها غير أن الراجل ده حد يكون شايفه نصاب أو جاي يأكل عيش لان ال جاي عيش هيعمل زي ال فات ويختار اللعيبه ال هتبعد عنه الدوشه..


بواسطة: تحليل اسمعلاوي