المحرر موضوع: الفوائد الفنية والتسويقية من كأس الرابطة  (زيارة 203 مرات)

جناح طاير

  • Sr. Member
  • ****
  • مشاركة: 277
    • مشاهدة الملف الشخصي

الفوائد الفنية والتسويقية من كأس الرابطة

« في: كانون الثاني 13, 2022, 04:00:01 مسائاً »
بطولة كأس الرابطة في إنجلترا بتسميها الميديا هناك The Scout Cup أو كأس الكشافة ، السبب ان البطولة مش بنفس أهمية كأس الإتحاد او الدوري الانجليزي ، فكان بيستغلها مدربين الفريق الـFirst في استغلال شباب الأكاديميات وإراحة لاعبي الفريق الأول من ضغط المباريات والإجهاد.

ومن هنا كانت بتبدأ الأندية تشرك عدد كبير من لاعبي الأكاديمية بحيث يبقى في مكاسب متعددة من ده :
مبدأيا الفريق الأول بيستفيد على المستوى الفني لأن مباريات كأس الرابطة وارد تعلن عن نجم واعد يقدر يكون عضو في إسكواد الفريق الأول ويمكن "ألكسندر أرنولد" ومن بعده "كيرتيس چونز" أمثلة جيدة لده في ليڤربول ، وعندنا "بوكايو ساكا" و"سميث رو" في أرسنال" ، ده غير "جيمس" و"لوفتوس تشيك" و"كريستينسن" و"ماونت" في تشيلسي
النقطة التانية هي الناحية التسويقية ، يعني اذا كان النادي مش في حاجة للاعبين الشباب دول وأصبحت أعمارهم أعمار فريق أول ، بيتم استغلال مشاركاتهم في كأس الرابطة من أجل تسويقهم بحيث يتم إعارتهم لأندية البريميرليج أو التشامبيوتشيب والنادي يدخله أموال وفنفس الوقت اللاعب الواعد بيحصل على دقائق وبيتطور وبيتم صقل موهبته وبيزداد صلابة.

جنب الميزتين السابقتين دول ففي ميزة تالتة من وجود اليطولة في مصر ، وهي ان في حال وجود لاعب واعد معمول عليه Scouting من أوروبا فمباريات كأس الرابطة فرصة مثالية لتسويقه ، وبكده اذا طلب اللاعب الواعد الاحتراف يقدر ناديه يستفيد من وراه مالياً سواء بالكاس أو ببنود نسبة إعادة البيع.

النهاردة الأهلي أظهر للجمهور بعض من لاعبيه الواعدين اللي ممكن من خلال البطولة دي يكونوا نواة مستقبل للفريق أو مصدر استثمار أو تسويق خارجي ، وأعتقد ان باقي الأندية لازم تسير على نفس الدرب ومش لازم كل تشكيلتك تكون شباب لكن على الأقل تدي فرص للاعب او اتنين يظهروا للنور .

كَتَبَ: Mohamed Alaa