المحرر موضوع: محمد صلاح المُضطهَد عالميًا  (زيارة 141 مرات)

جناح طاير

  • Sr. Member
  • ****
  • مشاركة: 277
    • مشاهدة الملف الشخصي

محمد صلاح المُضطهَد عالميًا

« في: كانون الثاني 18, 2022, 07:30:55 صباحاً »
عدم ظهور محمد صلاح في تشكيلة الفيفا هو شئ مثير للاستفزاز وللضحك وللإستنكار والتعجب مع بعض ، مش هنتكلم في جائزة The Best لأن التوقعات كلها كانت بتصب في مصلحة "روبرت ليفاندوفسكي" كده كده ، فكان من المتوقع فوزه على حساب "صلاح" و"ميسي" بالجائزة خصوصاً بعد ما خسر جائزة العام الماضي رغم استحقاقه لها برضو ، مش بقول ان فوزه نوع من أنواع الترضية برضو لأن "ليفاندوفسكي" مقدم مستويات جبارة مع بايرن ميونيخ.

لكن اللي هيجنني بحق وحقيقي فعلا هو عدم وجود "صلاح" في تشكيلة الفيفا ، ده بالنسبة لي هو أشد أنواع العبث بالمعنى الحرفي لأن "صلاح" يقدر بالمستريح يكون على حساب أي واحد من المختارين ، بل تم ابتداع رسم 3-3-4 للزج بأكبر عدد من النجوم في الخط الأمامي وبرضو رغم كده المصوتين شافوا ان "صلاح" ملوش مكان "كريستيانو رونالدو" أو "هالاند" أو "ميسي" بعد أداؤه الفردي الاستثنائي طوال العام ، كل صحفي وكابتن فريق جري يصوت لأسطورته ولاعبه المفضل ، واتركنت الاستحقاقات على جنب في النهاية.

الحقيقة ده شئ محبط جدا لأن أي معيار عادل كان هينصف "صلاح" بسهولة خصوصاً مع أداؤه الرهيب في النصف الأول من الموسم الحالي ، عشان كده بكل تأكيد المعايير المتبعة غير منطقية أو على الأقل ملهاش علاقة بالجانب الفني ، لأن فنياً أكيد "صلاح" يضمن مكانه في التشكيل .

لكن في العموم ومهما كانت معايير الفيفا مربوطة في إيد آلة الاستثمار  والMarketing والعلامات التجارية والإيميدچ ، فبرضو "صلاح" بالنسبة لينا هو أفضل لاعب في العالم وأكثر لاعب مؤثر في العالم وأرقامه تتحدث عنه ، هو الشخص اللي كسر كل الأسقف والتوقعات ووصل بإسم الكرة المصرية لمستويات غير مسبوقة ، "صلاح" هيظل أسطورتنا الحية وهيفضل ينال مننا الدعم حتى تخضع له معايير الفيفا التجارية البحتة في النهاية ، ان شاء الله عام 2022 هو عام القمة يا ملك.

بقلم: Mohamed Alaa

هنا تجد أهم أهداف محمد صلاح