المحرر موضوع: لماذا يتذبذب مستوى قفشة مع الأهلي؟  (زيارة 111 مرات)

إنسان حر

  • Hero Member
  • *****
  • مشاركة: 654
    • مشاهدة الملف الشخصي

لماذا يتذبذب مستوى قفشة مع الأهلي؟

« في: آذار 02, 2022, 09:27:49 صباحاً »
"قفشة" ظهر بمستوى جيد جداً في اخر مباراتين مع الأهلي وكان عنصر رئيسي في اخر انتصارين للأهلي محليا ، ده غير ظهوره بشكل لائق في مباراة صن داونز في دوري أبطال أفريقيا

وبالتأكيد جمهور الأهلي عنده تساؤلات بإن ليه "قفشة" مظهرش بالمستوى المعتاد منه من بداية الموسم ، وليه فاق مؤخراً وبدأ يقدم مستواه من جديد ؟

الحقيقة ان مشكلة "قفشة" كلها تتلخص في طريقة اللعب فقط لا غير ، "قفشة" اتخلق يلعب كصانع ألعاب كلاسيكي مركز 10 ، هو مركز ابداعه وأكتر مكان بيقدر يقدم فين إنتاجه الفني المعتاد منه

الأهلي في بداية الموسم كان بدأ يطبق طرق لعب خالية من صانع الألعاب الكلاسيكي زي 4-3-3 و3-4-3 ، طرق كلها بتعتمد على تميز محاور الوسط في الأدوار المركبة وتميز الأجنحة في شق صناعة الفرص Creator Wing

الهدف من الطرق دي كان تحرير "معلول" وتأمين العمق الدفاعي بليبرو ، وطبعاً في كل المناسبات اللي شارك فيها "قفشة" في الطريقتين دول انتاجه كان ضعيف ومكانش قادر يقدم أداؤه المعتاد بسبب اختلاف الوضعيات اللي بيستلم فيها الكورة كجناح عن وهو صانع ألعاب وده كان بيأثر على قراراته بالكرة

والسبب ان "قفشة" Technically مش ملائم لأي مركز اخر ، "موسيماني" جربه كجناح في عدو مباريات ولقينا "قفشة" مش قادر يقدم مردوده المعتاد لأن لا هو سريع بحيث يكسب سباقات سرعة ، ولا هو لاعب بيدور على اختراقات فردية ومواقف تفوق نوعي

أتيتيود "قفشة" في الملعب هو لاعب بيدور دايما على لعب الKey Pass وتجميع اللعب وتوزيع الكرة بين الطرفين ، وده مش أتيتيود جناح من قريب او بعيد ، لأن الجناح بيدور على الاختراق من الاطراف بشكل مستمر مستغلاً قدراته الفردية والتقنية

"قفشة" لاعب تيكتيكي كبير ، عنده وعي مركزي ومكاني دايما وعارف امتى وفين يتمركز في كل مراحل اللعب وده يمكن اهم نقطة توضحلك سبب ثقة "موسيماني" فيه ،. توضحلك برضو ان نوعيته أقرب للGame Leader Behavior أو سلوك اللاعب المتحكم في ايقاع اللعب

عشان كدا هتلاقي مردود "قفشة" هجوميا مع الأهلي تحسن كتير مؤخرا بسبب عودة "موسيماني" لطريقة 4-2-3-1 المفضل لقفشة وبتديله فرصة اللعب كصانع ألعاب ويمارس أدواره بشكلها المعتاد والمريح ، لأن في أدواره في المركز ده بيقدر يستقبل الكرة في الوضعيات اللي هو معتاد عليها ومعتاد على الانتاج فيها


Mohamed Alaa تحليل: