المحرر موضوع: بمناسبة أخبار اقتراب فيريرا من تدريب الزمالك من جديد  (زيارة 119 مرات)

إنسان حر

  • Hero Member
  • *****
  • مشاركة: 654
    • مشاهدة الملف الشخصي
في 2015 عملت إحدى البرامج مداخلة مع "إبراهيم صلاح" لاعب نادي الزمالك وقتها ولاعب غزل المحلة الحالي ، وللعلم "إبراهيم صلاح" كان لاعب دولي كمان ، المفاجأة هنا كانت تصريحاته لما اتسأل عن "فيريرا".

"إبراهيم صلاح" قال ان في أول تدريب لفيريرا مع الزمالك طلب يلعبوا تقسيمة بحيث يشوف المجموعة بشكل واضح قبل ما يبدأ برنامجه معاهم ، بمجرد بداية التقسيمة بدقيقة او اتنين صفر "فيريرا" بإيقاف التمرين.

ليه ؟
تعليق "فيريرا" كان ان كل اللاعبين في التقسيمة كانوا بيتحركوا غلط وبشكل غير منظم ، فبدأ يرسم على الأرض بعض المربعات وطلب من اللاعبين يتحركوا فيها ويحفظوها
التصريح وقتها معملش قلبان في الوسط ، لكن لاحقاً لما التحليل بدأ ياخد مكانته في مصر اكتشفنا ليه "فيريرا" عمل كده ، والسبب ان 95% من اللاعبين المحليين في مصر مش متأسسين أصلا على القيام بتوظيفات وأدوار مراكزهم والمربعات والممرات المراد منهم التمركز فيها.

القصة ان "إبراهيم صلاح" وقتها كان لاعب دولي لكن أن تتخيل يعني ، فهتستنتج ان فعلا أغلب المدربين الأجانب اللي بينجحوا في مصر بيعانوا بشدة مع الأندية المصرية لانه اول حاجة بيعملها هو انه بيشتغل معاهم على الأساسيات والمهارات الاساسية وكيفية تطويرها ، ثم بعدها يبدأ برنامجه الخاص.

"فيريرا" كان من أوائل المدربين اللي اشتغلوا على التفصيلة دي رغم ان خط الوسط بتاعه كان "احمد توفيق" و"معروف يوسف" وخط دفاعه "علي جبر" و"حمادة طلبة"
عرف كويس ان فريقه عنده مشاكل في الأساسيات واشتغل على تطويرها بشكل أساسي أكتر من اي شئ تاني ، وده كان من أكبر اسباب فوز الزمالك وقتها بالدوري لأول مرة بعد غياب 12 سنة.

كام مدرب بقا بيدرب او كان بيدرب في مصر سواء مصري او اجنبي كان بيهتم بتطوير الجانب التقني عند اللاعبين ؟ مفيش للأسف هما ناس بسيطة تتعد على الصوابع وفي الغالب مفيش فيهم مصريين.

المجموعة الحالية في الزمالك عندها مشكلة واضحة من الناحية التقنية ، عدد كبير من لاعبي الزمالك ممكن عندهم جودة لكن كارثيين من الناحية التقنية وعندهم مشاكل في المهارات الأساسية ، ودي فعلاً محتاجة كوتش بيهتم بالتفصيلة دي كويس وبيشتغل عليها بشكل أساسي قبل أي شئ.

اقتباس
تحليل: Mohamed Alaa