انا اتعرفت علي انسان ٦ سنين وحبيته اكتر من نفسي واتقيت ربنا فيه، مكنتش بعمل اي حاجة غير لما اعرفه واخد رأيه وكنا متفاهمين في كل حاجة، وطول ال ٦ سنين كان ناس كتير بتتقدملي وانا برفض علشانه لحد ما بقي عندي ٢٧ سنه وانا مستنياه لحد ما كلم اهلي انه عايز يتقدملي وقبل ما ييجي عندنا البيت عرفت انه متجوز، حد قريبه كلمني وعرفني، كلمته وعرفته في البداية حلف علي المصحف انه كدب وبعد الحاح مني اعترف.
ومن ساعتها وكل حاجة بقيت سودا ولقيت رقم بيرن عليا رديت لقيت ابوه بيكلمني وقاللي انهم جوزوه وهو صغير علشان ارياف بيتجوزوا بدري وهو مش مرتاح معاها ومفيش اي تفاهم ولا حب وهو كدب عليا علشان ميخسرنيش وعايزني ابقى زوجة تانية.
وللعلم هو معاه ولد وبنت صغيرين.
وانا تعبانه ومش قادرة اني اسيبه، حاولت كتير بس معرفتش ظبطت كل حياتي معاه وهو دلوقتي بيقولي انا هطلقها ونتجوز والعيال يفضلوا معاها وهو يصرف عليهم، وفي مره بعد ما عرفت انه متجوز رنيت ردت عليا هي وكانت مش فارقة معاها خالص وعرفت الموضوع وعادي خالص بالنسبالها لأنه مش فارق معاها، واتكلمت معايا عادي وقالت انها موافقة.
هتقولوا ازاي ٦ سنين مشكتيش! لأنه بيشتغل في شركة ومقيم هناك وبيكلمني ٢٤ ساعة وكان بيروح يومين وبرضه بيكلمني..
