محتاجة رايكم ضروري؛ مطلقة ومعايا طفل، ليا سنين طويله وتقريبا مش بيتقدملي حد مناسب، من فتره كلمني شخص معرفه متواصلناش من فترة، سأل عني وعن والدي وسأل عن معايا ايه اطفال.
طلب مني الزواج مباشره وقالي انه يتمناني بس مكنش ينفع لاني متجوزه، مع العلم هكون زوجه تالته، ومعاه ولاد من الاتنين، معرفتي عنه انه ميسور واسرة محترمة، وقولت لأهلي فرحبوا عشان معرفتهم انهم كويسين، وانا كنت مرتاحة وحسيته محترم وبتعامل لغايه مايكلم بابا رسمي، ليه تلات ايام بيتكلم انه مزنوق في شغله ومحتاج سيوله، وبعتلي عاوز ٥٠ الف سألته ليه؟ قالي على مشكله الشغل؛ فأنا بجامله اجبهولك؛ شكرني وقالي لا طبعا.
بطمن عليه قالي اتصرفت من والدي.
من امبارح منمتش وقلقانه وخايفة جدا، طلب مني صريح مبلغ ١٠٠ الف هل متاح.
قولتله لا قالي تقدري تتصرفي حتى لو دهب اخده جرام وارجعه جرام.
هما ماشي معروف عنهم الاحترام بس معرفش داخلياتهم يمكن هو وحش باباه غضبان عنه او عمايله.
الفكره انا مخنوقه جدا وخايفة وبدأت أتراجع انه شخص كويس وقلقانه جدا وعماله اودي واجيب؛ هل بيختبرني؟ هو طمعان؟ كويس بجد؟ وحش بجد؟ ناوي خير؟ مش عارفه... ممكن تساعدوني بدون تجريح من فضلكم!
