سؤالي: هل خطيبي بخيل ام حريص ؟
انا فتاة من اسرة ميسورة -الحمد لله- و كتبت كتابي على زميلي في الجامعة، هو الحمد لله طيب و محترم و الله اعلم بالباطن.
هو عصامي و ابوه مش بيساعده و هو هايشتري العفش و احنا الاجهزة و شقتنا ايجار و دخله في حدود ٤٥٠٠ ج.
من ساعة ما كتبنا الكتاب و هو مش ببكلمني غير علي التليجرام علشان احنا شبكات محمول مختلفة.. و ساعات كتيرة بيقولي رصيدى خلص اتصلي انتي.
و مش بيرضى اننا نخرج او نشتري اكل من برة و تقريبا مخرجناش غير مرتين بس؛ و في مرة لما طلبت منه اننا نخرج قالي اننا ناكل في البيت الاول و بعدين ننزل.
انا خايفة تكون دي علامات بخل علشان كدا مش مطمنة.. انا محتاجة حد يطمني مش يهاجمني من فضلكم.
