المحرر موضوع: مشهور غصب!  (زيارة 71 مرات)

إنسان حر

  • Hero Member
  • *****
  • مشاركة: 654
    • مشاهدة الملف الشخصي

مشهور غصب!

« في: تـمـوز 30, 2022, 09:03:16 صباحاً »
بعض الناس يتمتع بأخلاق عالية ويعجبك، لكن عنده مشكلة صغيرة «غير سالفة انه يلبس بشت في الطالعة والنازلة».. انه معتبر نفسه أهم شي في العالم، وهذا معناه انك حتى لو شفته اول مرة في حياتك لازم تناديه باسمه وتسلم عليه سلام حار، لأنك اذا ماسويت كذا فما لها الا معنى واحد هو انك ما تفهم في الاصول.. أو على الاقل منت متابع جيد لحركة المجتمع وشخصياته المهمة!

طيب ياعمي انا ماني متابع، لكن اللي زي هذا وش اللي يفكني منه.. وهو ماغير مستلمني «افا بس.. هذا وانا شايفك قبل فترة في المكان الفلاني» طيب ياآدمي اذا انت أي واحد تشوفه في الرياض مثلا لازم يكون يعرفك انا انصحك تشوف لك يوم كويس وتعزم 6 ملايين نسمة في بيتك على قل الكلافة والجود من الموجود!

طب الرجال يعتقد ان الصحفيين لازم يصورونه في كل مناسبة يكون فيها «وماهو معزوم فيها بطبيعة الحال».. هو يشوف ان الصورة هذي راح تكون دليل على أهمية المناسبة.. ولما يشوف الناس ماهي لمه يبدأ يروح هو بنفسه ويذب وجهه على الصحفي.. «تقدر تصورني لو تحب!».. «طيب مامعاي كاميرا».. «صور بجوالك يارجال عادي».. الصحفي يسلك الموضوع عشان يخلص منه ويطق له صورة ويمسحها بعد مايروح على طول.. بعد كم يوم يجيه اتصال «الصورة طلعت في الجريدة ولا لسا؟».

اقتباس
بقلم: أبو العريف