المحرر موضوع: مقتحمو البروتوكولات!  (زيارة 63 مرات)

إنسان حر

  • Hero Member
  • *****
  • مشاركة: 654
    • مشاهدة الملف الشخصي

مقتحمو البروتوكولات!

« في: آب 01, 2022, 12:21:16 مسائاً »
ما فيها شيء.. تقابل مسؤول كبير وتشكي له مباشرة.. بالعكس هذا هو المطلوب واللي تسعى له حكومتنا الله يجزاها خير، وفي الدول المتقدمة يقولون إن المسؤول أصلا موظف لدى الشعب، لكن في ناس تجيب العيد أحيانا في تطبيق ها لشيء، ويقول بينه وبين نفسه.. يا ولد.. خلنا ناخذها من قاصر، بلا علاقات عامة بلا تنسيق موعد مسبق بلا كتابة خطابات.. أنا بشوف هالمسؤول وين بيروح اليوم وادرعم عليه بسالفتي راس براس!

إلى هنا ما عندك مشكلة يا عم.. أنت بتروح نفس المكان اللي بيروح له، وبتتمركز لك بمكان استراتيجي عشان ما يرجع سيارته إلا وأنت في وجهه.. صدقنا وآمنا، شفته وانبرشت عليه وكلمته بسالفتك اللي هي من صميم واجبه عليك وهو يعرف تماما ها لشيء.. تقدر تسوي ها لشي بهدوء ولباقة وبدون ما تخرب برنامج زيارته اللي هو أصلا لخدمة ناس مثلهم مثلك.. بالعكس يمكن يفرح بك زيادة لأن الأجهزة اللي تشتغل تحت إدارته ما تحقق له رغبته في لقاء الناس وجها لوجه، الين هنا حلوين.. لكن في ناس يفهم عبارة «المسؤول موظف لدي» على أنها «شغال عندي» ويقول خلني أتعامل معاه على أني معزبه.. ويقابل المسؤول وعينك ما تشوف إلا رفع الصوت والإساءات الشخصية له قدام وسائل الإعلام والمرافقين.. مهما كان لك حق.. لكن مالك حق تسيء لأخ مسلم واجبك تحترمه.. خربت البروتوكول ما قلنا شيء، تخرب الأخلاق بعد؟

اقتباس
مقتحمو البروتوكولات! بقلم أبو العريف