المحرر موضوع: ممكن أشارك؟  (زيارة 70 مرات)

إنسان حر

  • Hero Member
  • *****
  • مشاركة: 654
    • مشاهدة الملف الشخصي

ممكن أشارك؟

« في: آب 01, 2022, 04:38:42 مسائاً »
من أكثر الأشياء المستفزة في الإذاعات هذيك البرامج اللي تجلس ساعة كاملة تستقبل اتصالات من ناس كلهم يبدون كلامهم بـ»ممكن أشارك؟» ويجاوبون على نفس السؤال وبنفس الإجابة، واذا خلص قال لي «معاي مشاركة» وقالوا له «ناخذ المشاركة» وجا أخو المتصل أو أخته وجاوب نفس الإجابة على نفس السؤال، وبعدها تنتهي المكالمة والمذيع أو المذيعة بكل برود يقول «معانا اتصال جديد، نقول ألو؟»

طبعا السؤال تلاقيه من نوع أين أقيمت بطولة آسيا الأخيرة؟ والاختيارات «قطر – هندوراس - الجبل الأسود»، ومع انهم يسمونها مسابقة لكنها تسمع بشي اسمه تشويق لأن اجابتها مكشوفة من اول شي.. هذا غير التكرار اللي يجاوبون فيه الناس على الهواء، يعني يا ليتهم عندهم طريقة ع الأقل ماهي مكشوفة وقديمة زي هذي.. هذا لو افترضنا ان السؤال اللي يطرحونه يحتاج له تفكير من الاساس!

ياخي ودي اقول لهم ارحمونا ترا من جد ما في شي ممتع في هالبرنامج.. حتى لو مذيعينكم صاروا متبرمجين على الرد بهالطريقة بدون ما يكلون أو يملون بس وش ذنب المستمعين الباقيين اللي ما شاركوا واللي من حقهم انهم يسمعون برامج مفيدة تضيف لهم معلومة جديدة موب تجمع لهم كل هالمتصلين اللي يكررون عليهم معلومة معروفة اصلا، ويجونك اول السنة يقولون «عندنا افكار جديدة ومختلفة في هذي الدورة البرامجية!»

اقتباس
ممكن أشارك؟ بقلم أبو العريف

اقرأ أيضًا:
مشهور غصب!
مذيع الأسئلة الحرجة!
محارش قوم عند قوم فوائد!
العم شرهان بياع الصابون