أنا وأخي أغراب

[محتار]

السلام عليكم عندي تساؤل لان للاسف انا حاسه اني عايشه الحياه بالمقلوب؛

١. هل من الطبيعي اني انا واخويا نكون في بيت واحد ومشفوش بالشهور ولا حتى يسال عليا ؟
٢. هل من الطبيعي اكون انا واخويا في بيت واحد وامرض مرض يرقدني شهرين وهو يسال عليا مرة واحدة بس من على الباب؟
٣. هل من الطبيعي ان اخويا ييجي رمضان ميرفعش السماعة ويقولي كل سنة وانتي طيبة؟
 
امي بتقولي عادي مدام انتي ومراته مش على وفاق ده طببعي؛ وانا بقول مش معنى اني انا ومراته مش بنرتاح مع بعض هو يقاطعني ! انتوا ايه رايكم؟

[جناح طاير]

أكيد إللي بيحصل مش طبيعي، بس من المؤكد ماحدش فينا ملاك وكمان مش شيطان بنسبه ١٠٠٪

قربي من اخوكي وحسسيه باللي حضرتك قد أفتقدتيه خلال شهرين؛ الود بالود والحب لسان صامت يفرض على جوارحنا الإنصياع له؛ ربنا يصلح حالك.