انا متجوزه بقالي اكتر من 3 سنين. قاعده في بيت عيله. كان زوجي بيعطيني فلوس تبقا معايا في حال احتجت شئ. بس بعدها حصل خلافات ما بينا وتدريجيا مبقاش يفكر حتي يديني فلوس اجيب حاجه محتاجاها لنفسي او البيت، ممكن اطلب منه ميجبليش وميدنيش اجيب اللي بحتاجه، لو عطاني فلوس بيحاسبني علي كل قرش صرفته فين وازاي وفين الباقي.
اتعلم اسلوب الانسان البخيل واللي بيستخسر في مراته كل حاجه علي الرغم ان معاه وشغال شغل كويس جدا.
وعلى هاذا الحال من اكتر من سنتين. مامته واخته دايما يقسوا قلبه عليا، وحصل في مواقف كتير دايما مامته تجيب سيرة الزواج مرة تانيه عشان تكيد فيا.
اخته عايشه برا وعشان تخليه يسافر خليته يكلم واحده من برا ويفهمها انه بيحبها وفعلا دا حصل وكان هيسافرلها ، ووصلنا لطريق مسدود، بس ربنا يشاء ورجعنا تاني لبعض عشان خاطر بنتي.
بقا بيكدب عليا في كل حاجه ودا شئ بيقلل ثقتي فيه وعدم احساسي بالأمان. مفيش اهتمام ولا تقدير، مفيش جبر خاطر وقت شدة انا فيها، دايما يحطني في مقارنه مع غيري.
اتكلمت معاه كتير على اللي بيدايقني واللي احب انه يعمله مفيش تغيير منه.
انا مكنتش احب الموضوع المادي يبقا حاجز ما بينا بس اتخنقت، عمره ما دخل عليا بحاجه او اشترالي حاجه. عمره مافكر بحاجه يراضيني بيها لو حته بجنيه. مابيحصلش ويقولي خدي هاتيلك حاجه محتجاها او يجبلي حاجه نفسي فيها.
وحاليا عشان حصل خلاف ما بينا بسبب كدا نايم في اوضه تانيه.
