المحرر موضوع: مجانا.. بس على حسابك!  (زيارة 23 مرات)

إنسان حر

  • Hero Member
  • *****
  • مشاركة: 654
    • مشاهدة الملف الشخصي

مجانا.. بس على حسابك!

« في: آب 11, 2022, 11:19:22 صباحاً »
لأني رجال أحب العولمة والعلوم الغانمة، وأدري أن العالم صار قرية مدري حارة صغيرة، المهم قلت ياولد خلني اروح واطق لي حدا هالاجهزة اللي اشوف دعايتها كل ما وقفت في اشارة، ومكتوب جمبها انواع المواصفات والارقام والمميزات اللي ماندري وش معناها بس يوم تشوفها تحسها شي موب سهل.. وفعلا دزيت للمحل نفسه عشان بالمرة اخذ الضمان من عندهم لكن الجماعة كانوا كريمين مرة صراحة.. أو بالأصح كانوا أكرم من اللازم.. فعطوني اكسسوارات مجانية مع الجهاز، على كم تلبيسة، على توصيلة مدري وش هي، لكن مادام بلاش مانيب خسران شي.. وصلنا عند الكاشير، وانا على بالي بحاسب على الجهاز بس اثاري كل الخرابيط اللي انا ماخذها معاه «مجانا» محسوبة لحالها في الفاتورة! طيب صدقنا وآمنا وحاسبنا، قالوا لحظة.. انت فزت معنا باشتراك مجاني في باقة انترنت، بتقول لهم ياجماعة الخير ماابي..

بيقولون لك ياخوي مجاني انت وش خسران.. سجل اسمك، واحصل عليه.. عاد انا قلت ياولد مايبي لها، صحيح اني ما احتاجه لكن «شي يجيك ببلاش ربحه بين» استخدمته وبعد كم شهر واصلتني فاتورة بمبلغ يحبه قلبك.. ليش طيب؟ قالوا مستخدم باقة انترنت.. طيب مجانية؟..لا ياحبيبي معليش هي صح مجانية لكن لمدة أسبوع بس وبعدها تصير برسوم!. اقول.. ما تلاحظون انهم في الاخير عزموني على حسابي؟

اقتباس
مجانا.. بس على حسابك! -- بقلم أبو العريف