عندى مشكله ممكن اخد رايكم فيها ! انا متجوزة من ٢٠ سنه، بنت وحيدة، والدى رحمه الله عليه كان مبسوط واتجوزت فى شقه فى بيته لان جوزى ما عندوش شقه وكان لسه فى بداية حياتة، المهم بعد كدة والدى اعطانى قطعة ارض بناء؛ بعت الدهب بتاعى (هدية ابويا ليا) وعملت رخصة، وجوزى بنى وانا شطبت السباكه والكهرباء كلهم لحد سيراميك الحمام والمطبخ بمساعدة ابى كمان.
المهم جوزى عمل بدروم ودور ارضى والتانى وقف على السقف، بدأت المشكلة، عاوز اكتب له نص البيت.
معلومه: عندى ثلاثة ابناء منه ومدة جوازى انا اللى بصرف على نفسى من لبس وعلاج عشان كل لما اقوله هات اجيب حاجه يقولى انتى معاكى فلوس ورثاة وموظفه، عشان كدة مش بقيت اقوله على حاجه ليا ، من نفسى بجيبها لنفسى.
المهم مرضيش يكمل بناء البيت، انا بعت ارض من عندى وكملت البيت، كل ابن من ابنائى شقه ودخلت الكهربا فيهم، دلوقتى بيقولى كملى تشطيب.. اكمل ولا اسكت؟ مع ان اي حاجه بعملها فى البيت لم تنتسب ليا بل له هو.
وشكرا لكل من شارك برد على المشكله.
