المحرر موضوع: مشروع ولا في الأحلام!  (زيارة 25 مرات)

إنسان حر

  • Hero Member
  • *****
  • مشاركة: 654
    • مشاهدة الملف الشخصي

مشروع ولا في الأحلام!

« في: آب 15, 2022, 07:26:38 صباحاً »
تخيل وانت جالس في امان الله يجيك واحد ما يعرفك ويواعدك في فندق ويحسسك انك احسن واحد في العالم وانه اكثر بني ادم في هالدنيا تهمه مصلحتك.. تحس انه نازل لك من السما وبتفكر تقوله «وش رايك اعطيك نموذج تعبيه وتصير انت اخوي الكبير؟» وطبعا خذ لك من هالابتسامة اللي عليه كنه مذيع برنامج مسابقات ومن الكلام الزين انه يبي يحقق لك احلامك «تخبرون الدعوة ماعاد يبي لها مصابيح ومارد وشغل ايام اول».. ايه بالله ابيك تحققها.. ويصقعك بالسؤال اللي بعده «تبي تغير حياتك وتحقق الحرية وتخلي المال يعمل لصالحك؟» ووقتها بتحس ان ودك تستأذنه دقيقة وتروح تفرح زي اللعيبة اذا جابوا هدف وترجع له.. طيب وش المطلوب مني غير اني استقيل من شغلي واجيب لك مقاضي الاحلام حقتي؟.. ابد ياطويل العمر.. نبيك بس تحقق نقاط.. وكيف احققها؟ اذا سجلت معنا.. وكيف اسجل؟ اذا شريت كل منتجاتنا.. نشتري ياعمي وش ماكانت.. كم نقطة بتعطوني وقتها؟ نقطتين! ومتى بتجيني الحرية والعلوم الغانمة ذي؟ اذا وصلت 200 نقطة وسجلت معنا 200 واحد!

عزيزي القارئ.. بغض النظر عن ان اخوياي كلهم ما يجون 20 واحد.. انا مستحيل اصدق عالم استغلالية تتاجر بمشاعري زي هذولي.. معقول في ناس بها العقلية؟ الله يصلح الحال بس.. الا على فكرة ماودك نتقابل في فندق.. عندي لك مشروع يحبه قلبك!

اقتباس
مشروع ولا في الأحلام! -- بقلم أبو العريف