الزواج من شخص غير متعلم وانا حاصلة على بكالوريوس

[محتار]

يا جماعة؛ هل فرق التعليم ييفرق في الزواج؟ يعني فيه مشكلة في الزواج من شخص غير متعلم؟ أو هل فرق التعليم بين الزوجين مشكلة؟ أو بصيغة أخرى: اختلاف المستوى الثقافي والدراسي بين الزوجين هل يؤثر على الحياة الزوجية؟

انا مطلقة ومعي بنت ومتقدملى واحد أمى لا بيعرف يقرأ ولا يكتب، بس بيصلى وعارف ربنا وكويس، وانا معايا بكالوريوس.

اعمل ايه؟ مع العلم انه مش متجوز قبل كده.

[إنسان حر]

عادى مفيش مشكله التعليم مش كل حاجة أهم حاجه الاحترام المتبادل والتقدير والتدين.

[مستشار]

سيبك من اللي بيقولك ارفضي؛ فيه ناس مش متعلمة واحسن وانضف من ناس معها دكتوراه

[جناح طاير]

ياما متعلمين ودكاترة ودماغهم xxxx

وفيه ناس ما يعرفوش يكتبوا اسمهم لكن متربيين وبيقدروا زوجاتهم واخلاقهم فوق الوصف.

اتكلمي معاه وشوفي اسلوبه وشوفيه وهو بياكل وبيتكلم مع الناس، شوفي طريقة كلامه وطريقة اكله وطريقة لبسه؛ اتناقشي معاه وشوفي تفكيره، وإن ارتاحتيله وربنا وفقه اوعي في يوم تعايريه بتعليمك، لانك هتكسري حاجات جواه ما تتصلحش
لو هتحسي انك اعلي منه، بلاش احسن.