المحرر موضوع: المحطة المتنقلة!  (زيارة 32 مرات)

إنسان حر

  • Hero Member
  • *****
  • مشاركة: 654
    • مشاهدة الملف الشخصي

المحطة المتنقلة!

« في: آب 15, 2022, 11:53:22 صباحاً »
اييييه.. الله يذكر أيام الرهيب والمسكت بالخير يوم كانت حارة كاملة تتقاط على جهاز واحد.. صار الواحد الحين ماشي يكلم بجوال وفي جيبه ثلاث جوالات، يعني من كثر اخوياك والا من هالاجتماعات والشغل اللي منت ملحق عليه.. يا عمي قابلني إذا منت مستخدم واحد فيهم إم بي ثري، والثاني تسمع فيه راديو والثالث كاميرا.. لا وتلاقيه إذا طلع جهاز جديد يروح يجيبه ويضمه للتشكيلة اللي عنده.. طيب وشو له يعني هذا كله.. ناوي تصير محطة ارسال متنقلة مثلا؟

مشكلتنا فاهمين التقنية غلط.. واذا الواحد احتار بين خمس أجهزة يروح يشتريها كلها.. ومسوي لك فيها مواكب التطور.. واحسن شي مقسمهم.. واحد للبيت وواحد للشغل وواحد لاخوياه.. طيب وش اللي يمنعك تركز جهودك الاتصالية المباركة في جهاز واحد بدل هالشتات والحوسة.. وكلما جلست في طاولة مطعم حطيتهم قدامك وصرت كنك بسطة في المرسلات.. طيب صدقنا وآمنا انك شخصية مهمة ولازم تكون دايم اونلاين وتكلم كثير.. وش اللي بيضرك تصير كذا بجهاز واحد تعرف تستخدم كل امكانياته بدل الهياط ذا اللي مدري وش يبي.. لا ومن قوة العين تزعل اذا جتك الفواتير آخر الشهر في مجلد.. وش الله حادك من الاساس.. يا جماعة ترا الدعوة ما هيب شطارة.. واكبر دليل انه اللي يمشي وتمشي معاه نص شبكات الاتصال والتواصل في البلد.. تلاقي اقرب الناس له ما ينادونه الا يالـ «القطوع»!

اقتباس
المحطة المتنقلة! -- بقلم أبو العريف