المحرر موضوع: وين راعي السيارة؟  (زيارة 41 مرات)

إنسان حر

  • Hero Member
  • *****
  • مشاركة: 654
    • مشاهدة الملف الشخصي

وين راعي السيارة؟

« في: آب 16, 2022, 08:29:13 صباحاً »
شي حلو أنك تنظم وقتك، وأنت تقوم من النوم وعارف وش تبي تسوي في هاليوم «وطبعا هالقافية جت من زود البلاغة».. يعني تعين خير وتاخذ لك فنجان قهوة وكم تمرة وتقول الحين بودي العيال لمدارسهم، وبطلع الدوام وبعده أمر على البنك وعلى الوكالة أسدد قسط الموتر، والمسا أروح اتقضى وأروح موعد عمل وبعدين أسير على مناسبة فلان.. وطبعا هذا كله له مواعيد محددة وتحاول أنت تلتزم فيها عشان تكون بني آدم متحضر.. ومحد يتشره عليك في الرايحة والجاية وغير كذا بترجع البيت آخر الليل وأنت مرتاح البال وأمورك كلها تمام والمود عال العال.. طيب يا بطل، تخيل جا بني آدم يسمع بالتحضر وانت ملبق سيارتك في مكان وش زينه، ولبق سيارته هو بعد لكن بطريقة ما تخليك تطلع إلا اذا تحولت سيارتك لسيكل أو هيلكوتبر، وبعد ما تطفش من الدور البايخ حق دخول المحلات والصيدليات ومكاتب الطيران اللي حولك ويا عالم يا هوه.. وين راعي السيارة الفلانية.. مع شوية تعصيب بينك وبين نفسك.. وممارسة هوايات ما تطري لك الا ذيك اللحظة.. الين تكتشف أن البزران طلعوا من المدارس والبنك سكر وانت متأخر عن دوامك وتداخلت علومك في بعض وخلص اليوم تقريبا بدون ما تسوي أي شي مفيد.. وفي الأخير يجي اخونا في الله يبتسم لك.. اووه انت راعي السيارة؟ لا انا راعي تنظيم الوقت!

اقتباس
وين راعي السيارة -- بقلم أبو العريف