المحرر موضوع: مستوصف مقاولات  (زيارة 31 مرات)

إنسان حر

  • Hero Member
  • *****
  • مشاركة: 654
    • مشاهدة الملف الشخصي

مستوصف مقاولات

« في: آب 19, 2022, 08:04:44 صباحاً »
 شي غريب ياخي يكتبون لك لوحة وش كبرها «مستوصف طبي» والا «صيدلية طبية» يعني ظنك بيكون مستوصف أثاث وصيدلية تميس.. صراحة من زمان نفسي اعرف وش هالسر الخطير في الكلمة الثانية اللي حلت المشكلة، وخلتنا نتأكد من أهمية تحرير المصطلح «لا تقول لي كلام كبير يالحبيب ترى ما في كلمة غيرها توصل المعنى خلني اقول واترزز بها شوي».. وانا اقول لك كيف.. لما اقرا مستوصف طبي هنا اتوقع ان اللي عندهم علاج ماهوب سواليف عن اسعار الاراضي مثلا.. واني بقابل في أسوأ الاحتمالات ممرض موب لاعب كورة ولا مدرس جغرافيا سنة رابع.. لكن تعال وادخل «مستوصف» بس وشوف العجب.. ممكن جدا تلاقي لك دكتور ما يفرق بين عمودك الفقري وعمود النور.. والمشكلة ياليته بس ما يدري.. ما يعرف يمثل حتى انه يدري.. طيب يا بني آدم وش اسوي بعمري.. الاخ يبيك بس تدفع فاتورة الكشف وبعدين بكيفك عاد انت ونفسك ويمدحون زيت الخروع ذا اللي ما ادري وش علاجه بس اسمه يحسسك انه يعالج بضمير اكثر من خوينا الدكتور اللي موب داري وش اللي ورطه بهالمهنة وهو دبلوم مواد بناء.

اقتباس
مستوصف مقاولات -- بقلم أبو العريف