تريد الزواج من سعودي وتحتاج نصائحكم

[محتار]

السلام عليكم؛ دلوقتي بنت خالتي هتتجوز سعودي؛ هو شاب وكويس ولم يتزوج من قبل. ووالدها متوفي؛ وليها اخوات اصغر منها ولظروفهم الماديه الصعبه هتوافق عليه علشان تساعد امها في تربية اخواتها.

امها مش غصباها، بالعكس هي اللي موافقه عليه.

طيب ضمانا لحقوقها هي واولادها ايه الأمور اللي ممكن تعملها؟ وهل لازم وجود التصريح السعودي للزواج؟ ومن رايكم؛ أنها تتجوزه فعلا ولا لأ؟ ياريت نصيحة من حضراتكم لأنها ملهاش حد يقدم ليها النصيحة! وهل ممكن تعاني بعد الزواج؟

[مستشار]

شوفي يا بنتي من خبرتي هقولك. لو بتتجوز علشان الفلوس زي ما بتقول وتساعد امها واخواتها لازم يجيب ليها حاجه؛ يعني يجيب شقة ويكتبها باسمها في مصر، او مهر كبير تحطه في اسمها في البنك.

[جناح طاير]

وافقي؛ بس السعودي او اي حد تاني غير المصري لازم تضمني كل حقوقك المادية وهل هو هيقيم في مصر ولا هتسافر هناك.

حتي لو هتسافري هناك يضمنلك كل حقوقك هنا في مصر.

المشكلة الوحيدة هي لو لا قدر الله حصل انفصل هتتعبي شويه بس علشان تنفصلي.

[إنسان حر]

يا جماعة مين قال كده؟ صاحبة اختي اتجوزت سعودي وطلع كويس جدا وخلفت منه والحياة حلوة.