المحرر موضوع: بطاقة عجيبة!  (زيارة 45 مرات)

إنسان حر

  • Hero Member
  • *****
  • مشاركة: 654
    • مشاهدة الملف الشخصي

بطاقة عجيبة!

« في: آب 19, 2022, 09:06:05 صباحاً »
لازم نعرف أن العالم تطور، وهذا الشي ما يوقف بس على العلم والأبحاث لكن يشمل بعد وسائل البزوطة والنصب، يعني لا احد يقوللي انه باقي يحاول يجرب يحط ورقة مكان الريال في مكينة الببسي، الناس الحين يحطون بطاقات ألعاب في مكاين الصراف وتطلع لهم فلوس، وبكرة ما تدري يمكن «تدفع شبكة» ببطاقة النادي وموب بعيد تقدر تستخدم كلمات سر «كراش» اذا بغيت تشتري من النت واذا كنت من النوع اللي يصرف كثير فمالك الا تفهمها صح وتروح تدور اذا عند عيالك بطاقات ملاهي تخليها في جيبك يمكن تروح تتقضى فيها.

ياليت احد يعلمنا بعض البنوك وش تحس فيه يوم انها تتأكد الف مرة من هويتك اذا دخلت حسابك من النت، وماتقدر تتنقل من صفحة لصفحة الا وانت برا النظام لأسباب أمن معلوماتية وقابلني ياشيخ اذا قدرت تسوي عملية وحدة وكل هذا عشانهم حريصين على دراهمك، لكن الابطال هذولي ماهم قادرين يكتشفون ان في كم واحد معاهم بطاقات وهمية اغتنوا من وراك.. اهم شي وسع صدرك ولا تعصب ولا ترمي بطاقة الصراف عشانها طلعت أي كلام وخلت ناس تطق مواتر بفلوس صدقية من خيرك.. خلها معك يمكن تحتاجها اذا مسكت معك يوم على لعبة «السيارات الكهربائية»!

اقتباس
بطاقة عجيبة! -- بقلم أبو العريف