المحرر موضوع: امحق صحافة!  (زيارة 30 مرات)

إنسان حر

  • Hero Member
  • *****
  • مشاركة: 654
    • مشاهدة الملف الشخصي

امحق صحافة!

« في: آب 31, 2022, 09:20:09 صباحاً »
يوم تفتح الجريدة ودك تحس ان هالريالين اللي انت تدفعهم فيها مو خسارة، بس للاسف بعض صحفنا ودك تدفع عشره ريال ولا تنجبر انك تقراها، شي يحوم الكبد بصراحة، بعض جرايدنا ان ما تلاحقت حالها عقب مواقع الانترنت الاخبارية غير يلاقون انفسهم يهشون ذباب، اللي نعرفه ان الجريدة مليانه ناس تفهم، يعني مو موظف واحد، يعني الخبر يمر على اكثر من عشر موظفين، وكل فترة والثانية مطلعين لك صورة خروف والا بعير والا عنز براسين، طيب حنا وش دخلنا بهالخبر، وش في هالخبر يوم انكم ترسلون صحفي ومصور عشان تنشرون هالخبر؟ عاد ليت هالخروف والا العنز حيين، تلاقيهم مصورينهم وهم فاطسين، والا اخبار استئصال الحصوات والاورام ، تنحرم غداك وتنسد نفسك يوم كامل عشان الاخوان يحسبون انهم لانشروا صورة الحصوة والا الورم جايبين الذيب من ذيله، ترانا ملينا من هالاخبار ولاعت كبودنا، اذا ماعندكم اخبار خلوا المساحة بيضاء وحنا مقدرين وضعكم وعاذرين، بس ارجوكم من سوالف واخبار وصور خروف ميت براسين، ترى مخنا طلع له راسين !

اقتباس
امحق صحافة! بقلم أبو العريف