المحرر موضوع: مطافيق الأبراج  (زيارة 29 مرات)

إنسان حر

  • Hero Member
  • *****
  • مشاركة: 654
    • مشاهدة الملف الشخصي

مطافيق الأبراج

« في: أيلول 03, 2022, 12:18:05 مسائاً »
ودي البس افرنجي واحف الشنب زيرو واطلع على وحده من هالقنوات اللي ما هي لاقيه احد تستضيفه، واسوي حالي عالم فلك وأبراج، وبعد اللقاء بكم يوم اطبع كتاب عن وش اللي راح يصير من تغيرات بأحداث العالم وبكل راعي برج، يحلفون اني لو اوزعه بالخليج بس غير اغدي مليونير ينافس ماغي فرح بنفسها، ربعنا هنيا ما يصدقون على الله يلقون شي يلهيهم من الفضاوة اللي عندهم يعني بس عطهم شي غريب وقلهم انه كويس، ثاني يوم تلاقي كلهم شارينه، ولا يقهرني غير اصحاب كتب الطبخ اللي يبيعون ملايين النسخ على حريمنا، واللي يقهرك ان حريمنا يشترون ويكدسون من كتب هالطبخ ولا يغدونا ويعشونا غير كبسة، شاطرات بس يصلحن حلا ويلهطنه لا طلعنا وخليناهم في البيت لحالهم، ومع أن الكثير من كتب الأبراج ما تدخل عندنا الا انها منتشرة مثل النار بالهشيم، الشي الثاني اللي يبط كبدك ان بعض الناس يشتريها وتلاقيه مستانس عشان ماغي فرح قالت بكتابها ان مواليد برج التيس هالسنة راح يكونون مبسوطين وما راح «يعتلوا هم» وتمشي امورهم عال العال، ولا قلت له افا يا فلان حتى انت تصدق هالخزعبلات قال لك لا بس من باب التسليه، وش تسليته الله يرحم والديك؟ شاري كتاب بشوي وشويات وولدك يصايح مضيع كتابه حق المدرسة ولا شريته له وآخرتها تقول لي من باب التسليه، قبل كم يوم شبت القنوات الفضائية بسرابيت ومتخصصين الابراج اللي ما عندهم غير الدجة، وين ما تفتح قناة راح تلاقي واحد نافخ ريشه يهذر عن الابراج وتوقعات السنة الجاية وايش راح يصير بالعالم الاسلامي، ارجعوا للي قالوه حقين الابراج المشهورين منهم وراح تعرفون انهم ما صدقوا ولا بشي قالوه غير يمكن حادث او حادثين صدفه.

اقتباس
مطافيق الأبراج -- بقلم أبو العريف