المحرر موضوع: مزحنا غير!  (زيارة 31 مرات)

إنسان حر

  • Hero Member
  • *****
  • مشاركة: 654
    • مشاهدة الملف الشخصي

مزحنا غير!

« في: أيلول 05, 2022, 01:05:28 مسائاً »
مو بس جده غير كل شي فينا الله لا يضرنا غير، حتى المزح عندنا غير، يا كثر الشباب اللي عندهم خلع في الكتف والا اصابة خطيرة وكله بسبب المزح باليدين، اتوقع حنا الوحيدين اللي لا تزال عندنا رياضة المطارح او الطرحي موجودة عندنا، وللي ما يعرفون وش المطارح هو مصارعة حرة بس الفرق ان الحلبة تكون في المجلس او المقلط بدل حلبة المصارعة، وعندنا المزح بالسيارات، يا كثر الشباب اللي دعسوا اخوياهم بسبب مزحة ثقيلة، للحين في بالي موقف مو راضي ينمسح من مخي، راعي سيارة جاي طاير وشوي اللي يقش شاب كان يستهبل في نص الشارع، كانوا يمزحون مع بعض، والنتيجة مشهد انتهى بغرفة الانعاش، اخر قصص المزح حقنا، المزح بالسلاح، ومع ان الناس من زمن جدي يقولون السلاح غدار، ومع ان ديننا يحرم انك توجه السلاح بوجه اخوك، الا ان المزح بالسلاح عندنا منتشر وللحين فيه ناس ما يحلى لها تسوي كاميرا خافية الا بالسلاح، بعض الناس يحس انه واثق ومتمكن من السلاح واذا اطلق وصار أي خطأ تضيع علومه، المزح باليدين دايم ما تكون نهايته خير، بس للاسف له جمهور كبير عندنا، ما دري وش يحسون فيه!

اقتباس
مزحنا غير! -- بقلم أبو العريف