المحرر موضوع: تلطم ورح شف!  (زيارة 29 مرات)

إنسان حر

  • Hero Member
  • *****
  • مشاركة: 654
    • مشاهدة الملف الشخصي

تلطم ورح شف!

« في: أيلول 06, 2022, 08:17:14 صباحاً »
احمد ربك ان ماحدتك الظروف وانجبرت انك تتعامل مع حقين مكاتب الاستقدام، راح تشوف قمة الفوضى والاستهبال والاستهتار، حقين مكاتب الاستقدام اكثرهم يشتغلون معقبين اول حياتهم ، ولما تطورت علاقتهم مع الجوازات، وصار لهم معارف، فتحوا مكتب استقدام وتعقيب وممكن بيع زل واواني مستخدمة، لان هذولا الناس مضبطين علاقاتهم مع البلدية ومع أي احد ، يعرفون شلون يضبطون علاقاتهم مع الواحد لو يمر بالشارع بالصدفه ضبطوا علاقتهم معه وعطوه كرتهم وحسسوه انهم ممكن يسوون أي شي يبيه ، اول ما تعرف عليهم تحس ان الدنيا سهلة وكل ورقة رسمية تبيها راح تجيك وانت جالس في بيتكم، بس لاتوهقت ودفعت فلوسك لهم، قابلني لو ردوا عليك الا بعد شهر، يردون عليك عشان بس يقولون لك ان اوراقك خالصه وراح توقع هاليومين، والشهر اللي عقبه يطنشونك ويشوف رقمك ولا يردون، وقبل لا تفكر تشتكيهم بخمس دقايق يردون على اتصالك، كنهم يعرفون انك قايل هذا آخر اتصال ان ما ردوا راح اشتكي، يردون عشان يقولون لك: اوراقك توقعت وراحت للصادر والوارد، مكاتب الاستقدام مكاتب سبهلل ولا هي منظمة ومتروكين على كيفهم يسبحون بخلق الله، كله كوم ومكتب استقبال الخادمات كوم، ودي واحد من اللي يهمهم الأمر يتلطم ويروح يشوف، ساعتها احمد ربك ان خدامتكم قاضبة القاع ولا نحاشت، والا كان شفت النجوم بعز الظهر!

اقتباس
تلطم ورح شف! -- بقلم أبو العريف