المحرر موضوع: زواج بلا طعم!  (زيارة 40 مرات)

إنسان حر

  • Hero Member
  • *****
  • مشاركة: 654
    • مشاهدة الملف الشخصي

زواج بلا طعم!

« في: أيلول 06, 2022, 09:42:14 صباحاً »
نفوس الناس ما عاد تتحمل أي مسؤوليات أو دخول ارتباطات جديدة. صار الواحد منا يحب يريح راسه ولا يحب الدوشة، صار الزوج ما كنّه زوج رجال وعليه ثقل واعتماد بعد الله أنه يشيل عايله ويصرف عليها زي رجال قبل الحين نفس الزوج بخشمه لو تقول له زوجته كلمتين مسكها الباب، والزوجة فيها حقها من الحقانة وشوفة النفس، كنها متزوجة بس عشان تجيب كم ورع وتقضب القاع، يصير زوجها آخر اهتماماتها، ولا ملّ زوجها من معاملتها وتزوج عليها تطلع نفسها مظلومة وهو الظالم وتحاول تسود عليه عيشته، وبعضهن ما هي قادرة تستوعب أنها تترك أمها وأبوها وتعيش لحالها وتتحمل مسؤولية بيت، كنها بزر ما غير تتزيعل وتبي أي سبب عشان تروح بيت أهلها، وتجلس لها كم يوم تستعيد فيه أيام طفولتها. قليل عندنا زواجات تنجح وتلاقي فيه حب بين الزوجين، ما يقهرك غير الأزواج اللي مسوين حالهم فوق مستوى زوجاتهم وبس يتمنون وحده زي لميس ويبربرون بالمجالس أنهم كنهم متزوجين من غير نفس وهو شين وقوي عين، احمدوا ربكم واقنعوا باللي عطاكم، وحاولوا تساعدون بعضكم تعيشون حياة زوجية لها طعم ومبنية على القناعة والعقل. ما فيه غير المقسوم لك والإنسان لا رضي بقسمة ربي يبارك باللي عطاه وترتاح نفسه. ارجع وأقول ضغوط الحياة خلت الواحد ما عاد يبي يتحمل أي مسؤولية الله لا يبلانا!

اقتباس
زواج بلا طعم! -- بقلم أبو العريف