المحرر موضوع: انحش من الصحة  (زيارة 28 مرات)

إنسان حر

  • Hero Member
  • *****
  • مشاركة: 654
    • مشاهدة الملف الشخصي

انحش من الصحة

« في: أيلول 15, 2022, 12:47:16 مسائاً »
من فضل الله ورحمته على أخوكم الفقير لله أنه ما يحب يروح للمستشفيات أبد، تجيني حالة فوبيا تخليني أنتفض لين شوي ويطيح شعري لا دخلت مستشفى، ولا عرفت أن فيه أحد مريض لازم أزوره تمغصني بطني، ومن أدخل أسلم على المريض وأنا اقول للي معاي ترى زيارة المريض واجبة وما فيها إلا أجر، بس ترى ما يجوز نطول عنده أكثر من ربع ساعة، وأنا قصدي أبي النحشة، مثلي مثل كثير من المواطنين، لا ونسنا وجع لبقنا عند أقرب صيدلية وأخذنا المقسوم، ومع الدعاء كلها كم يوم ونطامر مثل الحصن، العلاقة بينا وبين وزارة الصحة ترقل، هم يشوفون أننا مواطنين ما نفهم، وان المفروض نحمد ربنا انهم متحملينا كل هالسنين، وحنا نشوف انهم محتاجين يتدربون شوي ويرجعون يدرسون الثانوية مرة ثانية، حاطين نقرهم من نقر الطب البديل، ويوم شافوا الناس قامت تعطي الطب البديل وجه قالوا خلنا نحطه تحت جناحنا قبل يصير له جناح لوحده ثم يحرجنا، للحين وزارة الصحة تحارب الطب البديل، ذاك اليوم قريت خبر ان وزارة الصحة بجدة طبت على واحد مسكين يعالج بمحلول ماخذ عليه براءة اختراع، وقفلوا محله، ماني قايل قفلوا عيادته عشان ما تزعل وزارة الصحة لأنها ما تسميه عيادة، بدل ما تطلبونه بأدب وتشوفون هالمحلول يمكن يفيد ناس واجد، تسوون عليه كاميرا خفية وتقشونه هو ومحلوله، حنا ما حنا ضامنين أنه على حق، بس ضامنين أن تصرفكم خطأ، تراه انسان وله كرامة وما سوى شي بالدس!

اقتباس
انحش من الصحة -- بقلم أبو العريف