السلام عليكم، عايزه افضفض معاكم شوية لان معنديش حد اتكلم معاه وخلاص هطق امووت؛ انا الزوجة الثانية وانا وهيا عايشن في بيت واحد بتقلدني في كل حاجه، مش عايزه اقول اني بقرف اشرب عندها كوبايه الميه، بس كل الي هيا بتقدر تشوفه بتقلده، مثلا الغسيل لو شافت مليات ووش المخدات اتاكد انها خلاص هتنشرهم، لو غسلت فوط المطبخ ونشرتها الاقي نفس المنظر وكمان اللبس وبالاخص ولو رحنا السوق مع بعض او اي مكان تشوف هجيب ايه وتجيبه لوحتي توكه لبنتي والله بتجبها نفس الشكل.
كنت دايما عندي حجات مميزه دلوقتى بقى جوزي اللي بيشوفه عندي بقي عندها حتى الاكل والله بتعمله تاني يوم بالتفصيل يعني لو اكل عندي حاجه بيلاقيها عندها بس بيقول هيا بتقلدك بس انتي عندك لمسات وططشاط هيا متفهمش فيها.
بس بردو الموضوع ده مضيقني انا حتى لو قفلت بابي تبعت بنتها باي حجه ملهاش لازمه تشوفني بعمل ايه، لو حد عنده حل يقولي عليه؛ شكرا.
