شاب وبخاف من الخناق

[جناح طاير]

عندي 23 سنة وبخاف من المشاكل ومسالم بزيادة وبخاف من الخناق لأحسن اتشوه ولا حاجة ، بحاول أمشي جانب الحيط ومع ذلك في كلاب بيجوا عليا انا حاسس اني جبان مش عارف ليه.

كل ده بسبب ابويا.. افتري عليا وأنا صغير وكان بيضربني كتير لحد ما خلاني لحد النهارده بخاف منه ومحدش بيسمع لي حس اكاني بنت مكسوفه ،ده أنا بكرهه اووي.

[مستشار]

كنت زيك كده كنت بخاف اروح المدرسه لحسن اتضرب كنت ماشي جنب الحيط زي ما بتقول لحد ما فاض بيا

كنت بعمل تمارين كل يوم كنت بعمل تمارين الضغط و جردل ميا و بلوك وكنت بطحن نفسي تمارين كأني ف الجيش محتجتش جيم ولا حاجه كنت بعمل ف البيت وروحت المدرسه خدت حقي من كل اللي كان بيفتري عليا

مكنش جسمي جامد كنت رفيع والتمارين خلتني ناشف لما كنت اتخانق مع واحد زي الجحش ويلاقوني ضربته كله عملي الف حساب وتخيل اللي بقولك عليه ده كنت بعمله وانا ف رابعه ابتدائي ايوه والله اضطروني اعمل كده وانا صغير

[إنسان حر]

ياعم دنته راجل وسيد الرجاله وكلنا مسالمين ياعم وده مش عيب محدش فاضي للمشاكل والقرف.

والاسلام ديننا يحض ع السلام والمسالمه والأخلاق الطيبه مع الناس دي صدقه لوحدها لاتعنف نفسك ولاتجلد نفسك.

وابوك ممكن كان خايف عليك بس ولذالك قسي عليك فلا داعي انك تكرهه مينفعش ابن يكره أبوه دا أقرب حد ليك فالدنيا كلها بعد امك طبعا راجع نفسك ونته كده طيب ومحترم واحسن من كل الناس

[محتار]

معلش الله يسامح والدك رباك بطريقة خاطئة كسر شخصيتك وثقتك بنفسك وكسر هيبتك .... الان نحن أمام خيارين وانت عليك أن تختار الافضل.

 أما أن تبقى كما انت خائف من كل حاجه وفاقد حياتك وذاتك ... أو أن تتحدى نفسك وخوفك وتنهض ولا تنظر للخلف .... فمثلا تخاف أن تتصدى لاي مشكله خوفا من أن تضرب ومع ذلك فإنك تضرب اذن حاول تصدى لربما استطعت أن تضرب بدل من أن تضرب ... يجب أن تحاول ... صاحب بعض الشباب وتعلم منهم ... وخطوة خطوة ستتخلص مما انت فيه