ورد سؤال: احنا بننصهر في الشقه؛ دور اخير ومننا للسطح والشمس وحاجه اخر زهق فقررنا نجيب تكييف.
الفنى قال ان المناسب للمساحة بتاعة الصالة اللى هنكيفها عندنا ٣ حصان.
فما هو افضل ماركة في تكييف ٣ حصان لو تكرمتم وتكون موفره في الكهرباء عشان احنا عداد كارت.
الإجابة
خطأ كبير بنقع فيه.. إننا بنعالج الاعراض ونغض الطرف عن السبب الرئيسي للمشكلة.. عزل السطح والحوائط المعرضة للشمس مهم جدا.. بنفس اهمية التكييف.. من ناحيتين: اول حاجة توفير في الكهرباء اللي بيسحبها التكييف في تبريد الفراغ اللي الشمس خابطة فيه.. وتاني حاجة ان العمر الافتراصي للتكييف ومكوناته وكفاءة التبريد بتكون اعلى.
الافضل لو فيه امكانية عمل عزل للسطح اولا؛ طبقة فوم وفوقها بلاط. حتى لما تجيب تكييف يوفر فى الكهرباء ولا يستهلك بسرعة.
وفيه متخصصين عزل بيعمل عزل رطوبة وحرارة بتحافظ على السقف وتحمى من الحرارة.
اشتري التكييف فيه خاصيه الانفريتر بتوفر استهلاك الكهرباء؛ مثل: شارب انفرتر - إل جي انفرتر.
