١١ سنة زوجي بيضربني ويشتمني ويهينني

[محتار]

انا بقالي ١١ سنة متجوزة؛ من تالت يوم جواز ضرب وإهانة وشتيمة بسبب ومن غير سبب؛ وأهله مقتنعين على طول الخط أنه صح.

قاطعني من أهلي؛ انا والدي ووالدتي متوفيين من قبل الجواز.

انا دلوقتي عندي تلت بنات أصغرهم سنتين واكبرهم ٨ والوسطي ٣ سنين، ولسه من أسبوع ضربني وزرقني، وشتيمة وهو فاتح باب الشقة.

انا دلوقتي سبت البيت وسبتله العيال! انا كدا غلط؟ انا بقالي ١١ سنه في الهم والغلب ده!

[مستشار]

ضرب وإهانه وشتيمه... بسبب "وفهمناها"؛ انما من غير سبب "يعني ايه؟" بيدخل البيت يضرب ويشتم كده؟

يا جماعة لما تقولوا مشكلة احكوا بأمانة وحيادية.

[إنسان حر]

من وجهة نظري؛ الغلط انك استحملتيه كل هذه المدة، هذا اول غلط.

تاني غلط انك تركتي بناتك؛ الافضل تاخديهم معك، حرام يتربوا بعيد عنك.