انا متجوزه من وانا فاولي جامعه كنت ساذجه جدا ومعنديش اي خبره فالحياه طفله بمعني الكلمه جواز صالونات واكبر مني بعشر سنين وعينه زايغه جدا ودايم كلامه عالبنات وانه اد ايه جذاب وبيتباهي وشايف نفسه طبعا انبهرت زي الهبله وكل حاجه كانت باينه انها وحشه مالاول بس للاسف مكنش حد جنبي ينصحني ولا يوعيني انا اعلي منه فالتعليم بكتير جدا وهنا نقطه الخلاف بعد الجواز ساعدني اكمل تعليمي بس وقت ماقولت افتح عياده او انزل اشتغل لقيته واحد تاني سحب وعوده دايم يقلل مني ويكسر فيا وعزمني ثقتي فنفسي بهدلني فاللبس والمظهر بحجه الغيره لانه مسافر مش معايا ممنوع صحاب ولا معارف وكنت وراه مغيبه لحد مابقا عندي تلت اطفال ووصلنا لحيطه سد بسبب طول السفر والغربه رافض ياخذنا بحجه هنبقا حمل ومصاريف ورافض يشغلني هناك ورافض ينزل بحجه الكورونا بقاله سنه ونص وانه مش مستعد ماديا للخطوه دي.
اصبح الجفا والقسوه بينا فالمعاملة بقيت اكرهه وهو كمان مبقتش حاسه باهتمام ولا مشاعر مبقتش فارقه خالص زي الاول عالاقل وبقا اما بيتخنق مني فاي حاجه بعملي بلوك من كل حاجه ويغيب كتير اوي بمزاجه شهر او اكتر كنت الاول زي الهبله اعمل اكونتات فيك اوصله بيها او اخلي اهلي يكلموه يرجعلي ويفتح البلوك بس كرامتي مبقتش مستحمله عاملي بلوك من اول يوم رمضان وانا هموووووت مش عارفه اصبر وبيعمله بدون اي انذار فجاه اتصلت مفيش حاجه بتوصل كله بيقولي اصبري وخلاص بس انا حاسه باهانه رهيبه وهموا مالخنقه وخايفه يكون عارف حد هناك او حاجه هموت الشيطان بيلعب بدماغي ومش عارفه اعمل اي خطوه جديده فحياتي عشان ميتحكمش فيا بالشكل ده نفسي يبقا ليا كياني واحس بشهادتي اللي تعبت فيها بس ولادي اطفال صغيرين وصعبان عليا يبقا ابوهم راميهم وانا انزل اشتغل واسيبهم واهلي ميسندوش الضهر خالص شايله كله علي راسي..
انصحوني بليز
مشكلة زائرة
