انا مخطوبة ليا سنين، خطيبي عصبي ومتشدد وغيور جدا وحرمني من كل حاجة؛ من الخروج من البيت ومنعني من اني اشتغل بعد كليتي على الرغم ان حالته المادية مش حلوه -يعني بسيطة- هو رافض كل حاجة.
انا تعبانة وخايفه افركش اندم لانه محترم وكلوا يشهد بكده، بس هو مشكلته معايا انا وطريقته واسلوبه؛ انا اتقدملي كتير وحالتهم المادية احسن بكتير لاكن اختارته لاني حسيت انه محترم لاكن هو مخليني في علبه وقافل عليا.
خايفه افركش اندم، لانه بيحبني، وخايفه اكمل تبقى حياتي جحيم وعدم ثقة.
وللمعلومة؛ هو تصرفاته تشبه الطفل، يعني كل شوية يزعلني ويشتم ويرجع يقولي انا اسف ؛ انا بزعل لما الاقي بنات مخطوبة وعايشة حياتها ومبسوطة وانا مش عارفه اعيش مبسوطة ولا افرح.. تعبت ونفسي ارتاح.
انا خايفه من بعد الجواز، لان اكيد مش هستحمل اللي دلوقتي بيعمله.
