المحرر موضوع: زوجي نرجسي؛ طلبت الطلاق لكنه رفض  (زيارة 79 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي

زوجي نرجسي؛ طلبت الطلاق لكنه رفض

« في: أيار 13, 2021, 02:23:02 مسائاً »
انا ام لثلاث صبيان أكبرهم بالصف الثالث الابتدائي تزوجت شخص نرجسي وللاسف لم اكتشف ده غير بالعشرة اللي لم يتم استكمالها سنه علي بعض بحكم الغربة.

بس نتج عن الزواج ده اطفال، كنت محتاجه اكمل عشانهم، محتاجه أبني بيت وأسرة ومش مهم احاول اضغط على نفسي واستحمل شهور نزوله وخلاص، بس اصعب احساس مفيش ست على وجه الارض تقدر تستحمله أو تعديه عدم احساسها بالأمان.

لما يكون هم الزوج هو الحفاظ على شغله اهم من عرضه وشرفه يبقى استحاله المعاشرة واستحاله ام هتقبل أولادها يطلعوا زي أبوهم كده، ولا ست مهما كانت هتقبل بالوضع ده. وقررت الانفصال، وتم الرفض، واتجهت للقضايا والمحاكم ومازلت مستمرة لحين اخذ ابسط حقوق أولادي فقط لا غير.

واتنازلت عن كل حقوقي، بس تعبت، حاسه اني وقعت في بحر على ظهري حِمل كبير وانا بضبش مش عارفه اعوم بس بقاوم عشان أولادي مش عايزة حاجه من حد ولا محتاجه وجود شخص بحياتي مهما حصل.

اعتبرت أولادي زوج واخ وصديق، وصبري لله هيعوضني خير، بس سؤال ليه العند والغباء والكِبر ده؟ ليه لما تكون كشخص اسمك بشهادة ميلاد ذكر ومتعرفش يعني ايه زواج! يعني ايه لما تتجوز لازم تكون رجل والرجولة مش بالخلفه نهائيا والله، الرجوله يعني نخوة يعني شهامة يعني اصون عرضي وشرفي اهم من اي حاجه بالدنيا.

يعني لما ربنا يرزقني بولد اللي كتير بيتمنى ظفر ولد يشيل اسمه احميه واصونه واحفظ الامانه اللي ربنا وصاني واستودعني إياها، يعني اكون رجل لما أولادي يكبروا يشوفوا بنفسهم اني اب محترم برغم الانفصال اللي مهما كانت هي ايه سببها فضلت اب وبحافظ على عهد ربنا، مش بهدله ومحاكم وقضايا، بس عشان ينصرف على اطفال للاسف اسمهم بشهادة ميلاد لشخص الاسم اب.

ارجوكم دعوة بظهر الغيب بصلاح الحال ليا ولغيري كتير يمكن ظروفهم اصعب مني بكتير، ويصبرني ويقويني على أولادي، ويرزقنا بالحلال ويفرج كربنا ويبعد عنا كل طماع وجاحد.

المطلقه دي ست رفضت تكون عبدة تحت مسمى جواز، مش كلنا وحشين.

إنسان حر

  • Hero Member
  • *****
  • مشاركة: 547
    • مشاهدة الملف الشخصي

رد: زوجي نرجسي؛ طلبت الطلاق لكنه رفض

« رد #1 في: أيار 13, 2021, 02:24:53 مسائاً »
انا ما فهمتش هو عمل ايه! و كونه يحافظ على شغله ده بالدنيا، احسن ما يكون عاطل و بياخد فلوسك، لو حكيتى مواقف كنا فهمنا ايه مشكلته بالضبط؛ ومعليش -عفوًا-

احكى المشكلة فى ايه بالضبط؛ كمان قلتى ما بهمه شرفه؛ طيب عمل ايه؟ دخل رجالة عليكي ؟.

مستشار

  • Sr. Member
  • ****
  • مشاركة: 358
    • مشاهدة الملف الشخصي

رد: زوجي نرجسي؛ طلبت الطلاق لكنه رفض

« رد #2 في: أيار 13, 2021, 02:27:43 مسائاً »
اصلا ما فهمنا ايه عيوبه بالظبط؛ حضرتك قلتي نرجسي، قصدك ايه بالكلمة دي؟ يعني ايه مشكلتك بالظبط؟ الكلام غامض ومش مفهوم.