حكايتي بدأت هنا عندما تعرف عليا شخص محترم فعلا بالفيس بوك، وإصرار بالاسابيع اني ارد عليه وأنه مبدأيا معجب بصورتي ودخل على صفحتى وعرف ظروفي واني غير مرتبطة وضمانا لكلامه طلب رقم ابويا أو اخويا للكلام معاهم عشان يؤكد أنه لا بيلعب ولا بيعاكس ووافقت واديته رقم اهلي وكلمهم لانه مسافر برة.
المهم اتكلم واتكلمت معاه كتير اعجبت بشخصيته جدًا وهو كذلك اتكلمنا لمدة شهرين. وفجأة اتلكك بخلاف بسيط جدا جدا بينا وعملي بلوك من كل حاجة بعد ما ارتبطت بيه جدا وبنيت عليه آمال واحلام حلوة كتير وفجأة كأني وقعت من فوق جبل. وربنا يعلم كم الخير اللي كان في قلبي ناحيته. المهم انا مكتئبة جدا جدا بقالي فترة لا قادرة انسى ولا قادرة ابطل عياط قلبي مكسور جدًا جدًا.
اعمل ايه !
استكمالا لمشكلتي؛ عايزة اخد رأيكم نفسي ابعته رسالة، لكن مش عارفه محتواها ايه هل اعاتبه؟ هل اوبخه؟ هل ادعي عليه؟
تايهة وحيرانه مش عارفة اعمل ايه !
ومحدش يقولى ولا تسالي فيه لاني مقهورة فعلا قهرة كبيرة ونفسي احساسي يوصله؛ فيدونى!
