المحرر موضوع: مطلقة وعندي مشاكل مع أهلي.. مخنوقه ومش عارفه اعمل ايه!  (زيارة 271 مرات)

محتار

  • Full Member
  • ***
  • مشاركة: 244
    • مشاهدة الملف الشخصي
معلش هطول عليكوا شويه انا 32 سنه منفصله بقالي 9 شهور اشتغلت بعد انفصالي مدرسه في حضانة وفي الفترة دي اشتريت فون يكون معايا لان امهات الولاد بيكونوا عايزين يطمنوا علي اولادهم واما جبته اهلي موافقوش واخدوه مني وقعدوني من الشغل ورضيت وقعدت وبعدين اهلي اضايقوا من وجود ولادي وودوهم لباباهم وبعدوا عني خمس شهور وانا في عذاب ومحدش حاسس بيا حتي مكنش حد فيهم راضي يجبلي تلفون عشان اكلم ولادي واطمن عليهم ومن كتر ماعيالي وحشوني هموت واكلمهم لان كمان سنهم صغير حوشت من المعاش اللي بقبضوا واشتريت فون مستعمل قولت عشان اكلم ولادي ومحدش من اهلي يعرف لان انا عارفه تفكيرهم محدود وهنا طلاما اطلقتي لا تشيلي تليفون ولا غيره هتكلمي مين يعني جوزك وطلقك اقعدي بقا اخدمينا ومعامله زفت.

مع ان انا بنتهم الكبيرة بس مفيش الكلام دا المعامله اتغيرت وبقت للأوحش بس انا هصبر وهرضي باللي مكتوبلي وبعدين انا مش قاصر ولا بعمل حاجه غلط وحيات ربنا وغلاوة ولادي عندي لا بكلم حد ولا بعمل حاجه وحشه ولا بفكر في جواز ولا غيره والحمد لله ولادي رجعولي ايام الدراسه وباباهم بيجيب مصروف وطبعا عشان قاعدين هنا لازم يبقي معاهم مش فارق معايا اهم حاجه عيالي رجعولي بس بعد كل دا مضايقه عشان ميعرفوش عن الفون حاجه بحس بتأنيب وفي نفس الوقت بقول انا مش صغيره ولا قاصر ولا بعمل حاجه تغضب ربنا انا لو حتي فكرت ف جواز عشان بس اطلع م البيت دا اقسم بالله انا مخنوقه م كل حاجه حواليا ومن الشد اللي بيحصل بيني وبين امي واقولها سيبيني بالله عليكي باللي انا فيه تقولي فيكي ايه يختي ومقويه عيالي عليا مكنوش كدا انا بجد تعبت ونفسي اطلع من هنا مخنوقه ومش عارفه اعمل ايه؟

مستشار

  • Sr. Member
  • ****
  • مشاركة: 298
    • مشاهدة الملف الشخصي
انتى مقولتيش سبب مشاكلك مع جوزك ايه بس عموما لو مشاكل تنفع تتحل أو تتعدل حاولى ترجعي لجوزك وربي ولادك مع باباهم خصوصا أنه متخلاش عنهم وشايل مسئوليتهم وكمان محدش هيتحمل ولاد غيره وانتى متعلقة بولادك يعنى مش هترتاحي من غيرهم يعنى فكرة جوازك تاني فكرة فاشلة يبقى نصلح على قدر المستطاع

إنسان حر

  • Sr. Member
  • ****
  • مشاركة: 349
    • مشاهدة الملف الشخصي
وسطي ناس حكيمه وارجعي لزوجك ...
زوجك محترم لانه مهتم باولاده وبيبعت لهم مصروف ورحب بهم لما ارسلتيهم له .
وبلاش فكرة الزواج تاني دي.. .عندك ولاد بلاش بهدله.

جناح طاير

  • Full Member
  • ***
  • مشاركة: 197
    • مشاهدة الملف الشخصي
اتجوزى وعيشى حياتك؛ انتي لسه صغيره. سيبك من اهلك انتى مش قاصر بس اختارى صح المره دى عشانك وعشان الولاد ميتبهدلوش والاول اشتغلى عشان تخرجى وتتعرفى علا ناس كويسه وسيبك من نظره المجتمع انك مطلقه او الخ انتى انسانه ذى اى انسانه ممكن اتظلمت او اختارت غلط فمتركزيش مع الناس عشان متحبطيش واهلك بالسياسه اكسبيهم غشان يقفوا معاكى بس متتسرعيش وتتجوزى تقومى تقعى ففخ تانى علشان تخلعى من اهلك اتانى واصبري وربنا هيكرمك ومتتخليش عن ولادك