انا دلوقتى بنت وعندى ١٩ سنة؛ ووالدى مبهدلنا انا واخواتى، احنا ٤، مع العلم ان والدى حالتة المادية كويسة جدا فوق ما تتخيلوا.
هو دلوقتى حاسس انه مالك الكون وبيذلنا بكل الطرق، انا ثانوية عامة ولحد النهاردة مبدأتش دروس؛ اولا انا لحد فترة عمرى مكنت برد علية وبفضل اقول: حاضر نعم، انا واخواتى؛ لاكن بجد من كتر اللي بيعملة حسيت انى عايزة انتحر واخلص.
هو دلوقتى بيحط الاكل فى اوضة وبيقفل عليها ويقولنا الاكل بنظام ونفطر ونتغدى بس، ومن كتر ان احنا متعودين لما نحكى لحد يستغرب ان الاكل مقفول علية وانه بيضربنى لما اكسر كوباية!
المهم اخويا الكبير بيطرده كل شوية لحد ما اخويا وصل لمرحلة وحشة، بقا للاسف بيشرب مخدرات وحالته زفت وكل يوم يستلف من حد شكل، وناس تيجى تقوله يطنش ويعمل متفاجئ × وانا مش حامه من حاجة! وبعدين يديله بالجنزير والسلك، وفاكر انه كده بيربية.. دا جزء بس عن اخويا.
اختى تانية بتقولى هتمشى وتسيب البيت واخويا الصغير عايز يهرب من البيت عشان بابا كل شوية يقولة مش هصرف عليك وكلام وحش جدا و(أمي) مشيت وسابتنا معاه مقدرتش تستحمل.
يا جماعة بالله عليكى افهمونى؛ انا عمرى ما هاختار لنفسى الوحش، انا عارفه ان بيت ابويا احسن، بس انتو فاهمين غير كده، اما بانضرب بشلوت -اسفة فى كلامي- بانزف ومعرفش ده ايه؟ بس دايما بقول ربنا يسترها، وبخاف جدا.
انا عايزة اسيب البيت واشتغل واصرف على نفسى، اعمل تاجير شقة، اى حاجة، عارفة ان الدنيا مش هتبقى حلوة ولا كل وقت مبسوطة، انا شوفت ان اقدر اعمل عدم تعرض او اكلم حقوق المرأة بس مش عارفة اقولهم ايه ولا اعمل ايه، عايزة احمى نفسى منه ومش عايزة اعمل حاجة غلطـ وخايفة من ربنا قبل اى حاجة.
بس اقسم بالله وقت مابشوفة ماسك حد من اخوتى ومحدش لية لا حول ولا قوة بابقى بفكر يا اقتلة يا اقتل تفسى.
الناس اللي فى الشارع كلمتة وبرضه مفيش فايدة.
وعمامى مقطعين ابويا عشان ابويا وحش معاهم وفاكر ان كله بلفلوس، وفكرت كتير قبل ما آخد خطوة زى دى عشان انا بنت بس انا مش قادرة استحمل، بالله عليكم بلاش تقولوا كلام يضغط نفسيتى اكتر.
بس عايزة اعرف اوصل لمين يحمينى منه ولا اعمل ايه!
هو كل شوية يطردنا ويقولنا مش عايز اصرف على خنازير وكلام من ده؟ بس بنتمسك بية برده.
والموبيل اللي معايا ده امى اللي كانت جايباهولى، حتى هوه ميعرفش انى معايا موبيل عشان اوصل بية لحد.
