المحرر موضوع: أنا بكره الستات ومش عارف اتجوز ولا لأ  (زيارة 38 مرات)

محتار

  • Sr. Member
  • ****
  • مشاركة: 256
    • مشاهدة الملف الشخصي

أنا بكره الستات ومش عارف اتجوز ولا لأ

« في: أيار 15, 2021, 09:53:07 صباحاً »
يا جماعة دلوقتي انا بكره الستات ومش بعرف اتعامل معاهم - ومش بحب الدلع والكلام ده خالص لاني بطبعي خشن - وانتوا اكيد فاهمين ان الستات اكتر حاجة بيحبوها الدلع والمسايسة، وانا مش بعرف اعمل الكلام ده، لذالك انا لحد دلوقتي متجوزتش وانا حاليا عندي 30 سنة وشاب اعزب، وليا متطلبات، ومحتار؛ هل اغير من طريقتي واتجوز ولا افضل زي مانا ومتجوزش.

بس انا زي ما قولت مش بحب الدلع والكلام ده، وبامشئز لما بشوف ولد وبنت مع بعض او ولد ماسك ايد بنت والكلام الفارغ ده.

وزي ما قولت انا بكره الستات اصلا لأسباب كتير، من ضمنها طريقتهم واسلوبهم ودماغهم الناشف،ة وعلشان هما رزلين ورخمين ودمهم تقيل وواخدين مقلب في نفسهم ومفكرين انهم ملكات والمفروض الراجل لما يتجوز واحدة منهم يقعدها ملكة على العرش ويجبلها ناس تهوي عليها؛ مع ان الرسول قال (لَوْ كُنْتُ آمِرًا أَحَدًا أَنْ يَسْجُدَ لِأَحَدٍ لَأَمَرْتُ المَرْأَةَ أَنْ تَسْجُدَ لِزَوْجِهَا)، وطبعا ديه وجهة نظري وكل واحد حر فى وجهة نظره؛ وانا زي ما قولت انا راجل شديد وماليش فى الدلع ده.

دلوقتي انا عايز نصيحتكم اعمل ايه، لاني محتار بين:
1- اتجوز واتعذب بسبب اني بكره الستات ومش بحب اتعامل معاهم - بس مضطر اتجوز علشان الواحد عنده متطلبات.
2- لا أتزوج واريح دماغي واريح نفسي واعيش براحتي - بس هتعذب بسبب اني شاب اعذب ومعنديش حاجة افرغ فيها طاقتي.

إنسان حر

  • Sr. Member
  • ****
  • مشاركة: 349
    • مشاهدة الملف الشخصي

رد: أنا بكره الستات ومش عارف اتجوز ولا لأ

« رد #1 في: أيار 15, 2021, 10:02:03 صباحاً »
مبدئياً متتجوزش دلوقتي لأن الموضوع عندك مش موضوع بتكره الستات ودلعها وكدة. كلام حضرتك أكبر من المشاعر السلبية البسيطة دي. كلام حضرتك واضح فيه ما هو أكبر من الكره حضرتك واصل لمرحلة اسمها المقت (كره عميق شديد). ده منبعه من الطفولة الموضوع مش شيء عارض بسيط سطحي مؤقت.

طيب عشان تتجوز لازم تتفك النقطة دي؛ لأن لو اتجوزت حضرتك مش بس حتكون كاره لزوجتك حضرتك ممكن ربنا يرزقك ببنات من صلبك. طبعاً بمشاعرك دي حتتعب وتتعبهم معاك.

طيب الحلول إيه؟
1) يا إما تروح لدكتور نفسي تتكلم معاه.
2) أو تفضفض بمشاعرك دي لوالدتك أو أخواتك البنات وحاول تقرب منهم وتفهم طبيعة البنات بحيث تتفك عندك المشكلة شوية شوية.
3) أو تربي حيوان. قطة مثلاً أو كلب. بس تتعامل معاه بلين ورفق وتتقي الله فيه.


طبعاً دي خطوة أولى.

لما تعمل كدة قلبك ممكن يلين وساعتها شوف نفسك في الجواز.

أوعى تتجوز قبل ما تحل مشكلتك لأن فعلاً حتظلم ناس معاك.

على فكرة الموضوع اللي عند حضرتك ده فيه منه عند البنات برضه. فيه قصة عن سيدنا محمد عليه الصلاة والسلام إن بنت باباها كان مصمم يجوزها وهي طول الوقت ترفض ولما باباها رجع لسيدنا محمد في الموضوع ده وسألها قالت له أنا عصبية ومبستحملش مسؤوليات الزواج فتركها النبي صلى الله عليه وسلم وقال لأبوها خليها براحتها.

مش بعيد لما حضرتك تربي حيوان ترتاح من العقدة دي كلها ومتحتاجش تتجوز أصلاً.

لو حضرتك مش لوحدك كنت حقترح على حضرتك تتبنى طفل وتربيه... الحاجات دي بتلين القلوب وبتشبع غريزة الأبوة عندك.

ممكن تزور دار للأيتام برضه وتقضي معاهم وقت طويل. نفس الفكرة والتأثير.