انا عموما والدي ووالداتي متوفين من فترة، المشكلة هنا بقا والداتي كانت عزلانا عن عمامي واهل أبويا الله يرحمه هو وهي.
مكنتش اعرف السبب لحد ما حاليا عندي ١٨ سنه؛ المهم اما اتوفت أمي قربت منهم، قولت ماليش غيرهم، بقيت بقا الاقي كلام يتقال انا مقولتوش، وكمان واحده دخلت عندي على الاكونت منهم لقت تعازي من ناس مش عندي اصدقاء اصلا ولا اعرفهم وبيدعوا لأمي راحت عملت حوار ليا مع بابا الله يرحمه بس هو مصدقش لأنه عارفني على اي.
المهم بابا اتوفي وكده، كنت أنا برا فجيت بتوكتك، وسواق التوكتك بيقولي اطلع ازاي من مكان تاني عشان العزا وكده؟ فوقفت اوصف له، وطبعا لقيت في الملف بتاع الشارع ولاد عمي خارجين وكانوا بيسالوا مين ده، فقولتهم ده السواق اللي جايبني اوصفوا له الطريق عشان يعرف يخرج من هنا، روحت بقا لقيت حوار اني كنت واقفه مع واحد، وكل اللي عنده كلمه قالها لاني اصلا عيلتي مش بيشتغلوا، قاعدين، شغلتهم (رجاله وستات) التسول طول شهر رمضان وبعدها كان الله بالسر عليم، على كده يفضلوا عايشين من فلوس التسول لحد شهر رمضان التاني، ما عدا طبعا بابا وماما ربنا يرحمهم مكنوش بيدخلوا جنيه علينا انا واخواتي غير بالشقى والتعب، حتى لما تعبوا محدش صرف عليهم جنيه، حتيى الكفن بتاعهم والصدقة بتاعتهم من فلوسهم.
فالمهم انا قطعت علاقتي بعيلتي خالص.
ومعايا اختي اصغر مني وقاعدين لوحدنا لأنهم بقوا بيخبطوا في شرفي، وسمعتي بقت زفت في البلد بسببهم، لو روحت المدرسه يقولوا دي رايحه تقابل، لو بكلم زميلتي فون يقولو بتكلم شباب، وهما اصلا مشيهم وحش كلهم، واتضح أنهم بيعملوا علاقات مع بعض، فعشان كده عرفت ليه أمي كانت بتزعقلي اما اروح عند حد فيهم زمان، وتضربني كمان.
قولولي انا كده غلط؟
آه، وكمان عمي كان عاوز يبقى وصي عليا، روحت طلعت بطاقة وقولتله هعمل فيك محضر انك اتحرشت بيا لو مبعدتش عني، الصراحة الناس دي كلها مفيهاش حد غير
عمتي محترمه جدًا وبتخاف عليا، ولو حكيت ليها ايه مبيطلعش بره وبتقف ليهم وتتخانق معاهم اما يكلموا عليا.
فهل انا غلط ولا ايه؟
انا لو لاقيه حد فيهم كويس هعيش معاه انا واختي، بس انا لو حتى قعدت عندهم يوم ممكن اقوم من نومي ما الاقيش حاجتي ولا شرفي كمان، ده حتى أختي أما بقت تروح عندهم اتعلمت قله الادب هي كمان!
ارجوكم ادعولي وادعوا لابويا وأمي بالرحمة والمغفرة وادعولي انا واختي ربنا يسترها معانا ويوقف لينا ولاد الحلال ويرزقنا بالزوج الصالح ليا وليها اللي يعوضنا عن كل اللي مرينا بيه.
