فتاة حاصلة على كلية ومتقدم لها شخص حاصل على دبلوم

[محتار]

انا متقدملي شخص عنده 35 سنه وانا عندي 24 سنه هو دبلوم وانا واخده كليه هو أنسان محترم وطيب ومتفاهم وبيشاركني الرأي ومش بيزعلني ومش بخيل وبيراضيني وهو نفسه اكون من نصيبه وحاسس اني ربنا كرمه بيا.

لكن انا مش فرحانه وبيقولوا انه الحب بيجي مع الجواز والعشره فهل ده صحيح ومشكله عندي في فرق سن هو مناسب ولا ايه؟

دعوة لإبداء الرأي

[مستشار]

عادي؛ قال ﷺ "إذا أتاكم من ترضون دينه وخلقه فزوجوه، إلا تفعلوا تكن فتنة في الأرض وفساد كبير".

لو كويس ومقتدر ويقدر يفتح بيت ومحترم وابن ناس استخير ي ربنا وتوكلي على الله.

[جناح طاير]

التفاهم اهم شئ؛ سيبك من السن، لو جواز صالونات لا، انما لو علاقة او معرفة ومتفاهمين اوك، مش مهم السن، لكن لو مش مرتاحة او بنسبة قليلة او مش اوي، بلاش، سيبك من الكلام ده بلا بعد جواز بلا قبله لازم تكوني مقتنعة بنسبة ١٠٠%

[إنسان حر]

بينى وبين زوجتى عشر سنوات وجواز صالونات؛ كل ماعرفوة عنى انى:

• غيور على بيتى لا احب أن ينقص بيتى شىء.
  
• لا احب التجاوزات متعاون.
  
• للوصول لاحسن مستوى من تربية اولادى.
  

هل بعد هذا أتساءل هل زوجتى تحبنى؟

عمرها ما زعلت ولا تركت البيت.