السؤال
يا جماعة الغسالة بتاعتي بتطلع الهدوم متوسخة، عملت دورة خل ونضفت الفلتر وجيت وبردو زي ما هيه.
شغتلها وجيت اشوف خرطوم الصرف حطيته على الارض، لقيته شغال صرف مبيفصلش وهي تعبي مايه تاني.
هل ده طبيعي انه ما يفصلش؟ والمفروض اني اعمل ايه؟
الرد
لو الهدوم بتطلع مبلولة ومش نظيفة اقلب الغسالة وفك خرطوم صرف الحلة من تحت الغسالة ونظفه كويس؛ هتلاقى حاجات محشورة جواه، شرابات صغيرة او باقي خيوط واقمشة.
ودخل ايدك مكان الخرطوم عشان تتأكد ان مفيش حاجة تانية ساده مجرى الصرف.
وكذلك فك الخرطوم اللى عند الطلمبة ونظفه كويس.
كده الدنيا هتظبط معاك وادعيلى؛ فيه فيديوهات على اليوتيوب للمساعده شوفها قبل ما تفك.
