السؤال
لو سمحت عندي ريسيبشن ٣٠ متر مفتوح علي المطبخ دور اخير وعاوز اجيب تكييف كارير ٣ حصان بارد ساخن؛ هوه افضل ولا شارب.
والانفرتر من كارير افضل ولا العادي (كتبريد مش كهرباء) انا مش فارق معايا قصة الاستهلاك اقصد.
الرد
التكييف ٣ حصان غير كافي في المساحة المذكورة؛ لان ٣ حصان بيغطي مساحة ٢٤ متر فقط، وعلشان يشتغل ويفصل وتحافظ علي الكباس لازم تكون المساحة اقل من ٢٤ متر.
وكمان انت دور اخير، فلو هينفع ٤ حصان في الظروف العادية، يعني دور غير الاخير، انت محتاج ٥ حصان على الاقل، أو تعزل السقف والحوائط المواجهه للشمس وتركب ٤ حصان.
الان ٣ حصان صغير علي المساحة ودور اخير، الكباس مش هيستحمل فترات التشغيل والاجهاد الحراري الزائد بفعل الشمس بالنهار، وخروج الحرارة من السقف والحوائط أثناء الليل.
