المحرر موضوع: مشكلة مع عريس بنتي بسبب العفش  (زيارة 64 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي

مشكلة مع عريس بنتي بسبب العفش

« في: أيار 16, 2021, 04:02:49 مسائاً »
انا سيدة مطلقة وام لخمسة ابناء، ابنتي الكبيرة تخرجت العام الماضي وهي خاتمة لكتاب الله وتعمل في مجال القرآن، يتقدم لها بين الحين والآخر شباب محترمون لكن محصلش نصيب.

تقدم لها مؤخرا عن طريق صديقة لي شاب جامعي محترم يعمل نجار.

صديقتي اعلمت العريس واهله بتفاصيل الطلاق والتعدد وغيرها.

العريس فعلا اتصل بابو أولادي وقابله وحدد موعد للرؤية الشرعية وحصل قبول والحمد لله.

ابو ابنائي أعلم العريس بأنه سيزوج ابنتنا بشنطة هدومها.

والعريس اتضايق جدا وكلم الوسيطة بكدة فوجدتها هي الأخرى ساخطة جدا وناقمة على والد ابنائي وبتتكلم بأسلوب غير لائق تماما.

طبعا الامر ده احرجني جدا ورديت وانا بحاول الطف بإني هشرَّف بنتي وهجزها بالجهاز المعقول والمتعارف عليه وان ده مش هيكون سبب خلاف ما بينَّا وانا الحمد لله بآخد معاش معقول.

جيت اكلم طليقي في التجهيزات لقيته مُصر ان العريس هو اللي يجيب العفش لإنه نجار كبير وهو اولى بكدة مننا.. لكن طبعا بدون مقابل.

للعلم خلافاتي مع والد ابنائي كان معظمها بسبب الماديات والتعدد هو تزوج على ٣ زوجات. وتجارته دايما مش ماشية الأمر اللي زود جدا الفجوة والمشاكل ما بينا الى ان حدث الطلاق.

بعد الطلاق بنعاني جدا في التواصل معاه او اخذ أي قول فصل في اي قرار مصيري يخص الأبناء او حتى ارسال مصاريف الأبناء لازم اي طلب بمحاولات اتصال كتير جدا نصها يطنشه وميردش.

ورغم كدة عندي اصرار رهيب على بر ابنائي بوالدهم لإن النبي صلى الله عليه وسلم قال أن (الوالد أوسط أبواب الجنة فإن شئت ضيعه وإن شئت حافظ عليه ) وانا مؤمنة ان رزقنا عند الله وابو ولادي ما هو إلا سبب للرزق.

فبحاول على اد ما اقدر ان العلاقة تفضل طيبة بين ولادي وابوهم بالإضافة لإني مش عاوزة اضعف موقفنا امام العريس واقعد اذم في ابو اولادي وبالتالي ابعده عن اي اتفاقات مادية وابقى لوحدى ادام العريس واهله.

خاصة اني في بلد غربة من وقت الزواج، وخاصة كمان ان معظم اقاربي توفاهم الله وصعب اطلب وقوف الباقيين منهم جنبي لإنهم في بلد تانية.

نرجع للعريس المتقدم ..

هو عاوز اننا نشيل نص العفش وان نص العفش ده يكون عن ((طريقه هو)) يعني يعمله عمولة لينا بالفلوس وعرفنا انه بيعمل حاجات رائعة ومحترمة جدا.

لكن طبعا الرائع والمحترم ده هيكون بفلوس كتير اوي فممكن جدا طبعا اني مقدرش عليها.

اللي اقدر عليه اني اجيب عفش (عادي) تكون الاوضة بسعر كويس حتى لو افترضنا انها هتبوظ بعد سنتين او تلاتة فمش مهم.

 لعل ربي يقدرنا نجيب غيرها.

فأنا حاليا مشتتة ما بين تجاهل طليقي لأي تكاليف وانشغاله التام بزوجاته وبالبيوت اللي فاتحها وانا معرفش هل ده بخل ولا فعلا مش معاه /دي نمرة ١

 ٢ / هل اسمح بسخط العريس على طليقي لما قال له انه هيجوز البنت بشنطة هدومها وهل اعدي موضوع ان الوسيطة وصلت ليا انهم بيذموا في ابو بنتي رغم اني قلتلهم اني هشرف بنتي على اد ما اقدر في الجهاز.

طيب ازاي اسمح بكدة ومفيش حد هيقف ادامهم غير ابوها؟

وخايفة لو اتصدرت انا لتكاليف الزواج مضمنش ايه اللي ممكن يحصل مستقبلا!

هل اذا صمم العريس ان مساهمتي قي العفش -رغما عن طليقي- تكون عن طريقه وانه يعمل العفش عمولة بفلوس مني هل امشي الموضوع واعمل اللي عاوزه لكن طبعا هيكون تعب علي وديون وكعبلة لإن زي ما قلت الاوض اللي بيعملها غالية علي.

ده غير طبعا مساهمتي في باقي الجهاز من ملابس ومفروشات.

هل ينفع اتعامل انا لوحدي مع العريس ؟

مع العلم ان خبرتي تكاد تكون معدومة وكتير احس ان الناس معتبريني ساذجة رغم اني جامعية ومثقفة بفضل الله.

مستشار

  • Sr. Member
  • ****
  • مشاركة: 358
    • مشاهدة الملف الشخصي

رد: مشكلة مع عريس بنتي بسبب العفش

« رد #1 في: أيار 16, 2021, 04:04:59 مسائاً »
لا يكلف الله نفسا الا وسعها؛ كلمى العريس على قد امكانياتك انتى؛ غير كدا لاء.

وربنا هيرزقها بشخص يتقي الله فيها.

ربنا معاكي ويرشدك للصح.