لي صديق متزوج عن حب وفعلا بيحب مراته جدا ومعاه منها طفلين ولد وبنت. بس من لحظة المولود الاول والاهتمام قل جدا من زوجته.
هو بقى بيهرب للبرامج والشات المختلفة ويكلم بنات لمجرد الشات، وهو بيحلف انه مجرد كلام وبس، اه ساعات بيبقى فيه شات خارج والفاظ قبيحة وصور، بس هو شايف ان ده بيعوضه عن اهتمام زوجته اللى قل وبقى لمجرد شغال يجيب فلوس ويشوف مشاكل الاولاد -من وجهة نظره-.
الزوجة اكتشفت الموضوع ده اكتر من مرة وشافت الصور للبنات سواء عادية او قبيحة وحصل مشاكل وخناقات كتير جدا بتوصل لترك البيت وتدخل الاهل.
يغيب الزوج سنتين ويحصل نفس المشكلة وهو مصمم انها مجرد شات وكلام ومفيش مقابلات ولا لمس أي واحدة غير زوجته.
بشهادة زوجته انه محترم معاها ومعاملته كويسة جدا وحنين وتمام وعيشة كويسة ، الفاصل موضوع الصور والشات واخطاء الزوج التى تكررت وطبعا زعلها الرهيب وخنقتها منه.
ايه علاج زوجها ونغير نفكيره ازاي؟ وايه حل يصالح مراته ويفهمها رايه ؟
