يا جماعة زوجي رافض يرجعني؛ بالله عليكم تنصحوني. انا زوجي طلقني بعد ١٩ سنة زواج، انا بصراحة اصريت على الطلاق لمشاكل كتير وخناقات من أمه وكده، تعبت من البهدلة.
المهم لقيته جاب الماذون وطلقني، المهم بعد فترة لقيت نفسي مش قادرة على تربية أولادي لوحدي؛ اتحايلت عليه نرجع وقولت استحمل علشان أولادي، هو رفض وهان كرامتي هو وأمه.
بعتله العيال يتحايلوا، رفض، المهم اتاكدت انه خلاص هيتجوز وبيظبط اموره.
هل انا اروح ارفع دعوى بالمحكمة تمكين للشقة واخد حقوقي؟ لاني مخدتش اي حاجة، يدوب مصروف لأولاده بس؛ ولا بلاش خطوة المحكمة دي واستني يمكن قلبه يحن ويرجع؟ ربنا كبير!
