بقالها شهرين عند ابوها وبعت ناس كتير اوي تتدخل في الموضوع وأبوها رافض يرجعها، لأني جيت بعد الجواز بشهرين قلت له بنتك بتقول لي طلقني بكرهك، قالي تلاقي فيك عيب ولا حاجه، قولت له مفيش عيب، العيب أن انا غلطت مع بنتك قبل الجواز واتجوزتها تصليح غلطه وامها عارفه، تيجي هي دلوقتي تقولي طلقني ليه بعد ما كانت بتتحايل عليا اتجوزها؟
ابوها شتمها واتخانق معاها وقالها لازم تعيشي ولو اداكي بالجزمة تسكتي، قالي وانت مشوفش وشك تاني، بعدين غضبت وودتها لبيت ابوها وهو عاوز ينتقم مني ومنها بأي شكل، فضربها وهانها، وانا بقالي شهرين عاوز أرجعها وأبوها اخد العفش بتاعه وساب العفش بتاعي وقالي انت هتطلق يعني هتطلق.
وانا ندمان على حاجات كتير اوي حصلت وعارف أن غلطان من أولي لاخري بس انا نفسيتي تعبت من الموضوع ده وعاوز أرجعها وأبوها واخد منها التليفون ومصمم على الطلاق بقاله شهرين، وجه امبارح اتصل بيا قالي هات 2000 ج حق الدوا والكشوفات لأن مراتي حامل في الشهر السادس.
وعمال ابعت له ناس كتير اوي مفيش فايده.
