بحكم شغلي في محكمة الاسرة؛ هاقدم لكم نصائح ذهبية لحياة زوجية سعيدة؛ إن شاء الله تستفيدوا منها كلكم، الزوج والزوجة.
كل ما كان الزاوج بعيد عن الاهل، طول ما كان نسبة نجاحه اكتر.
يا بنات متتمنوش انه الزوج يسكن في بيت ملك ويكون ساكن معاه في نفس البيت امه او اخوه.
بالعكس لو راح واستأجر شقه بعيد، كل ما خفت المشاكل، لان ٨٠٪ من مشاكل المحاكم بسبب الاهالي، وكل ماكنت بعيد كل ما اتحبت الزوجه لان هيكون في اشتياق لها.
وبالنسبه للسفر خارج البلاد، حاول على قد ما تقدر تاخد زوجتك معاك، ومتقولش ان مرتبي مش هيتبقى منه حاجه وعايز اقلل مدة سفري، لان بالعكس نسبة كبيرة جدا من المغتربين في المحاكم اكتر من الموجودين في مع زوجاتهم، لان الزوج بيسمع من اكتر من طرف وهو بعيد فبيكون اسهل حل له عشان راحة باله هو الانفصال للاسف وهدم البيت.
فنصيحة خد زوجتك معاك حتى لو هتوفر نصف اللي هتوفره وهما مش معاك، لاكتر من سبب
أولا: ان دي الحياه الطبيعية، ان يكون الاب والزوج والاولاد عايشين مع بعض ويتمتعوا بالجو الاسري.
ثانيا المشاكل هتكون اقل بنسبه تتعدي ال٥٠٪.
ثالثا الراحة النفسية بين الازواج، وبالعكس لو اولادك معاك بدل ماهتنزل كل سنه بلدك هتنزل كل سنتين.
وربنا يوفق الجميع
