المحرر موضوع: تعامل أهلي معي سيء ومصلحة.. انا موجوعه اوى  (زيارة 37 مرات)

محتار

  • Full Member
  • ***
  • مشاركة: 238
    • مشاهدة الملف الشخصي

تعامل أهلي معي سيء ومصلحة.. انا موجوعه اوى

« في: أيار 17, 2021, 04:40:41 مسائاً »
هاكلمكم عن تعامل أهلي معي سواء بعد طلاقي أو بعد زواجي الثاني. انا مطلقة بسبب شرب المخدرات والضرب والاهانة؛ ومعايا بنت. كان معيشنى  في ذل، مصروفي كان ٣ جنيه في اليوم، اتطلقت ورجعت عشت عند أمى، أتذليت اكتر.

نزلت اشتغلت وسبت بنتى في حضانة وهى لسه طفلة، كل يوم ٨ ساعات، عشان امى مش عايزه تقعد بالطفلة تغيرلها كل شوية؛ وانا طبعا خدت لقب مطلقه ادام العيلة، كنت بسمع كلام بيموتنى.

غير اخويا ومراته والشماتة والمعايرة، المهم تعبت وقبلت اتجوز، قلت هارتاح وربنا بيعوض خير.

اتقدملى واحد كويس وقبل بنتى وحبها وحبيته واتجوزنا، اخويا كان رافض عشان مرتاح ماديا، واخويا مبيحبش حد احسن منه.

محضرش كتب الكتاب وقطع علاقته بيا نهائي. وامي بتعرفنى دلوقتى للمصلحة بس، تعبانة تيجى تقعد اسبوع تغير جو، محتاجه حاجة اجبهلها؛ اخوها -عياله سايبينه- محتاج حاجه اجيبهاله.

كنت بقول امى، مش مهم، بس لقيت الموضوع زاد عن حده، مش قادره انسى اللى عملوه معايا وانا عارفه انهم عارفينى مصلحة.

بعدت بقالى مده محدش مهتم ولاسال حتى، عادى... تعرفو! اقسم بالله انا عمرى ما عملت لحد حاجه ولا زعلت حد؛ انا موجوعه اوى حاسه انى لوحدى.

اهلى وحشين اوى، المشكله ان جوزى مسافر وبينزل اجازات بس، معقول الحقد والطمع والغل والكره كل ده جواهم ليا.

اعصابي تعبانه اوى والله..
« آخر تحرير: أيار 17, 2021, 04:42:13 مسائاً بواسطة محتار »

إنسان حر

  • Sr. Member
  • ****
  • مشاركة: 304
    • مشاهدة الملف الشخصي

رد: تعامل أهلي معي سيء ومصلحة.. انا موجوعه اوى

« رد #1 في: أيار 17, 2021, 04:41:13 مسائاً »
ربنا عوض عليكي خير؛ سامحي طالما ربنا نصرك.

جناح طاير

  • Full Member
  • ***
  • مشاركة: 187
    • مشاهدة الملف الشخصي

رد: تعامل أهلي معي سيء ومصلحة.. انا موجوعه اوى

« رد #2 في: أيار 17, 2021, 04:43:18 مسائاً »
حاولى تشوفى حياتك من زاوية اجمل عشان تستمتعى بيها وتحسى بعوض ربنا عليكى وتنسى اوجاعك. لكن طبعا بر الام شيء حتمى حتى لو كانت تصرفاتها مش تعجبك؛ لازم تهتمى بيها وتسالى عليها.